Նախաբան
Եհովայի վկաները հայտնի են ամբողջ աշխարհում։ Նրանց քարոզչական գործը և հավատալիքները տարածվել են ամենուր՝ տարբեր ազգերի և ռասաների պատկանող, տարբեր կրթություն ունեցող, տարբեր խավերի և տարբեր տարիքի մարդկանց շրջանում։ Աստծու Թագավորությունը հռչակելու գործում նրանց դրսևորած եռանդը տպավորել է նույնիսկ նրանց քննադատներին։ Իսկ որոշ մարդիկ, տեսնելով Վկաների սերը միմյանց հանդեպ, ասում են, որ կցանկանային, որ շատերը նրանց պես վարվեին։
Այդուհանդերձ, շատերին հետաքրքրում է այն հարցը, թե ովքեր են իրականում Եհովայի վկաները։ Ոմանք գրել են նրանց մասին, թեև ոչ միշտ են անկողմնակալ եղել, ինչի պատճառը գուցե եղել է այն, որ նրանք տեղյակ չեն եղել բոլոր փաստերին։ Անշուշտ, ոչ ոք Եհովայի վկաներից ավելի լավ չգիտի նրանց ժամանակակից պատմությունը։ Այս գրքի հրատարակիչները ձգտել են օբյեկտիվորեն և անկեղծորեն ներկայացնել այդ պատմությունը։ Նրանց համար, ովքեր գիտեն, թե ինչ է ասվում Աստվածաշնչում վերջին օրերի վերաբերյալ, հատկապես հետաքրքիր կլինի իմանալ այս ժողովրդի պատմությունը, ժողովուրդ, որն անկեղծորեն հավատում է Աստվածաշնչին և քարոզում է այն, ինչ գրված է այնտեղ։
Հրատարակիչներ