Անզուգական գիրք

«Աստվածաշունչը բոլոր ժամանակների ամենալայն տարածում գտած գիրքն է» («Ուորլդ բուք» հանրագիտարան)։

ԱՎԵԼԻ քան 550 տարի առաջ գերմանացի գյուտարար Յոհան Գուտենբերգը հնարեց շարժական տառերով տպագրությունը։ Առաջին նշանակալի գիրքը, որ դուրս եկավ նրա տպագրահաստոցից, Աստվածաշունչն էրa։ Այդ ժամանակից ի վեր՝ տպագրվել են միլիարդավոր գրքեր ամենատարբեր թեմաներով։ Այդուհանդերձ, այնպիսի գիրք, ինչպիսին Աստվածաշունչն է, մինչև այժմ գոյություն չի ունեցել։

◼ Աստվածաշունչը ամենատարածված գիրքն է։ Ըստ հաշվարկների՝ տպագրվել է ավելի քան 4,7 միլիարդ օրինակ (մասամբ կամ ամբողջությամբ)։ Երկրորդը Մաո Ցզե Դունի կարմիր գիրքն է։ Սակայն նրա տպաքանակը ավելի քան հինգ անգամ զիջում է Աստվածաշնչի տպաքանակին։

◼ Վերջերս միայն մեկ տարվա ընթացքում Աստվածաշնչի և նրա առանձին մասերի ավելի քան 50 միլիոն օրինակ է տարածվել։ «Ամեն տարի Աստվածաշունչը դառնում է տարվա ամենալավ վաճառվող գիրքը»,— նշվում է «Նյու յորքեր» հանդեսում։

◼ Մասամբ կամ ամբողջությամբ՝ Աստվածաշունչը թարգմանվել է 2 400–ից ավելի լեզուներով։ Ուստի այն մատչելի է երկրագնդի բնակչության ավելի քան 90 տոկոսին։

◼ Աստվածաշնչի գրքերի գրեթե կեսը գրվել է նախքան հռչակավոր չինացի իմաստուն Կոնֆուցիոսի և բուդդայականության հիմնադիր Սիդհարթհա Գաուտամայի ծնվելը։

◼ Աստվածաշունչը վիթխարի ազդեցություն է ունեցել արվեստի վրա։ Համաշխարհային ճանաչում ունեցող որոշ գործեր՝ կտավներ, երաժշտական և գրական ստեղծագործություններ, աստվածաշնչյան թեմա են պարունակում։

◼ Աստվածաշունչը արգելվել է կառավարությունների կողմից, այրվել է կրոնական առաջնորդների դրդմամբ և սուր քննադատության ենթարկվել հակառակորդներից։ Այնուամենայնիվ, նրանց չի հաջողվել վերացնել այդ գիրքը։ Աշխարհում ուրիշ ոչ մի գիրք ավելի մեծ հակառակության չի դիմագրավել։

Վերոնշյալ փաստերը համոզիչ են, այնպես չէ՞։ Ինչ խոսք, տպավորիչ մանրամասնություններն ու տվյալները ինքնին չեն փաստում, որ Աստվածաշունչը արժանահավատ է։ Այժմ կներկայացնենք հինգ պատճառ, թե ինչու են միլիոնավոր մարդիկ համոզված, որ Աստվածաշունչը արժանի է վստահության։

[Ծանոթագրություն]

[Նկար 4–րդ էջի վրա]

Գուտենբերգի տպագրահաստոցը, և մեկ էջ նրա Աստվածաշնչից

[Թույլտվությամբ]

Press: Courtesy American Bible Society; page: © Image Asset Management/age fotostock