SOMO 15

Okuderha n’Obwizere

1 Watesalonike 1:5

OKU BUGEKE: Oderhe omu bulyo buyerekene oku kweri ochizerere kw’ebyoli waderha buli bukweri binali by’akamaro.

Orheganye bwinja. Oyige emyazi waganirako kugera ahawayunva bwinja amawazo makulu, na nka gurhe Ebiblia eyerekene oku buli bukweri. Olonze gurhe wakafasiriya amawazo makulu m’ejambo lyawe omu binwa bigeke binayanguhire. Owaze bwenene kangana gurhe eyo myazi yarhabala abonviriza bawe. Oheme eroho lichesibwa omu sala.

Ogere omu ngabane yawe kanene n’omulenge omu kuntu amawazo mafarhe bwinja omu bwenge n’okukwiza okuntu wayigeza.
Okolese ebinwa biyerekene k’ochizerere eby’oli waderha. Ahali h’okufa yinja wagalukira ebinwa nk’oku binayandikirwe oku karatasi, okolese ebyawe-byawe binwa. Okolese oluderho luyerekene ku nta ngangane oherhe omu by’oli waderha.
Oderhe ebinwa biserere binarhengere oku murhima. Oderhe n’omulenge gutosheze. Akaba emwenyu kurhali kubi okulola abonviriza bawe, ohanze wabalola omu masu.

Orhachirhebekaga mp’okuderha n’obwizere k’okubulira abandi obukenge, okubaseza bayemere eby’owazize, changwa mp’obasembeke. Chiro akaba k’oli waderha ebirhengere oku murhima binaserere, oderhe n’abonviriza bawe bwinja omu bulyo buyerekene obuzigire.