SOMO 4

Okusasira Amandiko Bwinja

Matayo 22:41-45

OKU BUGEKE: Orhange orheganye obwenge bw’abonviriza bawe embere osome olwandiko.

Omenye echirhumire wasoma olwandiko. Osasire buli lwandiko omu njira yakarhabala abonviriza bawe baseze obwenge oku wazo likulu oli walonza kuyerekana omu lwandiko.

Ogerereze engani Yoshi olola lwandiko lulimo. Nk’oderhere inde waderhaga ebinwa okala kusoma omu lwandiko na nde wayandikaga echola chitabu che Biblia, olole akaba kweri ebyoli waderha bunali bukweri.
Oyerekane kwe by’oli waderha birhengerere omu Biblia. Nk’abantu oli wabwira baherhe obwemere mu Mungu, ojire okuntu koshi baseze obwenge oku Chinwa cha Mungu Ebiblia nantyo wanabayereka oku nta handi obwengehe bwakarhenga buli nk’obuba omu Biblia.
Ohe abonviriza bawe enyorha y’okusoma olwandiko. Obaze echibazo olola lwandiko lwashubizako, oyerekane echibazo olola lwandiko lwakarhabala kumala, changwa akanuni bayunva omu ngani okala kusoma.

Owaze bichi abonviriza bawe bakaba bamenyere k’olola lwandiko n’eby’okala kulusomamo. Chiro n’olwandiko lumenyikene bwenene, olusasire omu kuntu obonviriza bashube baluwazeko bwenene changwa bashube bayunve ebindi bintu by’akamaro mulo.