ERESENI 33
Ekio Oboruoti Boraikeranie
Oboruoti bwa Nyasae mbogendererete kogamba bono. Bwango iga mbokore amaonchorerio amanene ase ense. Tiga torore ebinto ebiya bike ebio tosemeretie konyora inse y’Oboruoti.
1. Inaki Oboruoti bwa Nyasae borairanie omorembe na oboronge ase ense?
Yeso, Omoruoti bw’Oboruoti bwa Nyasae, nasirie abanto ababe nechiserekari ase esegi ya Arimagedon. (Okomaanoka 16:14, 16) Ase engaki eyio, eira y’Ebibilia ekobwatia neikeranigwe: “Netigarete engeki ensinini, na omokori amabe asirigwe.” (Zaburi 37:10) Goetera Oboruoti, Yeso naenekie ng’a omorembe na oboronge mbiichore ase ense.—Soma Isaya 11:4.
2. Inaki obogima borabe ekero ogwancha kwa Nyasae korakoreke ase ense?
Inse y’obogambi bw’Oboruoti bwa Nyasae, “abanyene oboronge mbaire ense ebe eyabo, erio bagenderere komenyao botambe.” (Zaburi 37:29) Rengereria komenyete ense ase abanto bonsi bare abanyene oboronge, bamwanchete Yehova naende baanchaine! Onde taiyo orabe omorwaire, na kera omonto namenye goika kare na kare.
3. Ninki Oboruoti bwa Nyasae borakore ekero abakori amabe basiriigwe?
Nyuma abakori amabe basiriigwe, Yeso nagambe buna Omoruoti ase emiaka 1,000. Ekero ekio, ere na baria akogamba nabwo 144,000 mbabakoonye mwanyabanto ase ense koba abaikeranu na batari nebibe. Ase omoerio bw’engaki eyio, ense neonchorwe ebe paradiso engiya, eichire abanto bare nomogoko ase engencho bakoigwera amachiko a Yehova. Erio Yeso namoiranerie Ise Oboruoti, Yehova. Buna etanyakoba rinde, erieta ria Yehova risikwe. (Matayo 6:9, 10) Nebe yaenekiigwe ng’a Yehova n’Omogambi omuya okobechandera abanto baye. Erio Yehova nasirie Saitani, ebirecha na onde bwensi orachore gokora mamincha n’obogambi Bwaye. (Okomaanoka 20:7-10) Oboikeranu obwo borarentwe goetera Oboruoti bwa Nyasae mbobeo goika kare na kare.
EGERA AMANGE
Rora naseki twegene ng’a Nyasae natumie Oboruoti goikerania chiira chionsi chi’Ebibilia ase engencho yaito.
4. Oboruoti bwa Nyasae mbosirie chiserekari chia mwanyabanto
“Omonto oyomo akogambera omonto onde na komokorera bobe ase okomochanda.” (Omorandia 8:9) Yehova natumie Oboruoti bwaye erio gokoora emechando yonsi yarentirwe na ogotakorerwa boronge.
Soma Danieli 2:44 na 2 Abatesaloniki 1:6-8, na mokwanere amaborio aya:
Inaki Yehova na Omwana oye, Yeso, barakorere chiserekari chia mwanyabanto na baria bonsi bagochibwatesia?
Inaki aya kwegeire igoro ya Yehova na Yeso agokoenekeria ng’a amakora abo nay’ekeene na amaronge?
5. Yeso n’Omoruoti omuya
Buna Omoruoti bw’Oboruoti bwa Nyasae, Yeso nabakoonye abanto ase ense, ase chinchera chinyinge. Orokia EVIDIO erio orore buna Yeso aikire kworokia ng’a nabakoonye abanto na buna Nyasae amoire chinguru erio gokora bo.
Ekero arenge ase ense, Yeso akaorokereria aria Oboruoti boraikeranie. Gati ya amasesenio aria aorokirie aiga, narari oganetie aikerane? Soma amariko akobwatia ayio aratokoonye kwegera amange igoro ya amasesenio ayio.
EKERO ARENGE ASE ENSE, YESO . . . |
KORWA IGORO, YESO . . . |
|---|---|
|
|
|
|
|
|
|
|
6. Oboruoti bwa Nyasae mborente engaki ere bosio ere engiya ogokumia
Oboruoti mboikeranie okogania kwa Yehova ase mwanyabanto. Mbamenye goika kare na kare ase paradiso y’ense. Orokia EVIDIO erio korora buna Yehova agotumea Omwana oye, Yeso, goikerania okogania Kwaye.
Soma Zaburi 145:16, na mokwanere riborio eri:
Inaki okoigwa ekero kwamanyire ng’a Yehova nigo akorua “amaya na goisanekia kera egetongwa kere moyo”?
ABANTO BANDE NIGO BAGOTEBA: “Eserekari engiya ya mwanyabanto nabo egokoora emechando yaito.”
Mechando ki Oboruoti bwa Nyasae borakoore eyio chiserekari chia mwanyabanto chitanyare?
ASE OBWENG’E
Oboruoti bwa Nyasae mboikeranie ekerenga kiaye. Mboiranie ense koba paradiso eichire abanto abaya abwo bakomosasima Yehova kare na kare.
Einyorie
Inaki Oboruoti bwa Nyasae borakore erieta ria Yehova risikwe?
Naseki twegene ng’a Oboruoti bwa Nyasae mboikeranie chiira chi’Ebibilia?
Ase ebinto bionsi ebiya Oboruoti boraikeranie, aye nkereki oraganie korora kegoikerana?
TUKA MONO
Manya ninki Arimagedon.
Egera keria kerakorekane ekero na omoerio bw’emiaka 1,000 y’obogambi bwa Yeso.
“Ninki Kerabe ase Rituko ri’Ekina?” (Mnara wa Mlinzi, Septemba 1, 2012)
Rora buna chinka chiranyare kona-koiranerera amo amasesenio ararentwe n’Oboruoti.
Ase omogano “Amaborio Amange Akaba Agonchanda,” rora buna omwanasiasa oyomo orenge kwamereria buna anyorete amairanerio y’amaborio ayio amochandete.
“Ebibilia Nigo Egoonchoreria Obogima” (Mnara wa Mlinzi, Januari 1, 2012)