Nase ki Ogenderere?

1. Inaki okogenderera kwao kwegera Ebibilia koragokonye?

Tang’u tang’u teiyo ng’a, amorokererio y’Ebibilia y’omosingi gwaeteire akong’irie obwanchani bwao ase Yehova. Obwanchani obo nigo bonga buna omwana ekengwerere. Erio akine, goika agonke. (1 Petero 2:2) Ogosemeria kwao gw’okomenya goika kare na kare nigo koranyarekane rioka ekero oramoike Nyasae ang’e, ase okogenderera kwegera Ebibilia.​—Soma Yohana 17:3; Yuda 21.

Buna okogenderera komomanya Nyasae, erio nario okwegena kwao kogoting’a. Okwegena nkogere omogwenere Nyasae. (Abaibirania 11:1, 6) Okwegena nkogosukie, bweitie ebibe na komenya obogima bwao ase enchera egwenerete.​—Soma Ogokora 3:19.

2. Inaki okomomanya kwao Nyasae korabakonye abande?

Tari gento kegeni gotaka gotebia abanto bande amang’ana amaya kwabeire gokwegera​—Koragenderere kwegera Ebibilia, aye nomanye koyetumia kobaeresa abanto bande igoro y’okwegena kwao ase Yehova na ase amang’ana ayio amaya.​—Soma Abarumi 10:13-15.

Abanto abange nigo bagochaka gosanga amang’ana amaya amo na abagisangio gose abanto bamwabo. Korende notakeire koba omong’aini. Ribaga riogoteba ng’a barabwo nigo begenete oborimo, batebie igoro ye chiira chia Nyasae. Naende inyora ng’a botambe abanto nigo bakogokigwa mono n’ebikoro ebiya kobua amang’ana amasa.​—Soma 2 Timotheo 2:24, 25.

3. Mboamate ki oratware na Nyasae?

Kwegera Ebibilia nigo ekogokonya gokong’ia oboamate bwao na Nyasae. N’omoerio koba n’oboamate bwa beene na Yehova. Naende, nabo ekonyarekana obe oyomo bwa abanto baye.​—Soma 2 Abakorinto 6:18.

4. Inaki orakore amagenderero?

Mbwegere gotumia ebirengo bi’Ebibilia, koragenderere kweorokereria ring’ana ria Nyasae. (Abaibirania 5:13, 14) Moborie kirori o Yehova onde bwensi akorokererie Ebibilia korwa ase egetabu Biblia Inafundisha Nini Hasa? Buna okogenderera kwegera korwa ase Ring’ana ria Nyasae nario obogima bwao boragenderere koba obuya.​—Soma Zaburi 1:1-3; 73:27, 28.

Ebibilia nigo ere na amang’ana amaya y’obonene bwa Nyasae, ore n’omogoko. Aye nigo oramoike Nyasae ang’e, ekero okobaika abanto baye ang’e. (Abaibirania 10:24, 25) Koragenderere kobeka omokia ase okomogokia Yehova, nonyore obogima boria bw’ekeene, obogima bwa kare na kare. Komoika Nyasae ang’e nakio egento ekiya mono orakore.​—Soma 1 Timotheo 1:11; 6:19.