ERESENI 10
Inaki Oramanye Edini y’Ekeene?
1. Inee, nereo edini eyemo y’ekeene?
“Mwerende nababani b’oborimo.”—MATAYO 7:15.
Yeso nigo aborokereretie aborokigwa baye, edini eyemo yoka, y’ekeene. Nigo enga enchera ekoraa gochia ase obogima bwa kare na kare. Yeso nigo atebete igoro y’enchera eyio ng’a, “abakoyenyora nabake.” (Matayo 7:14) Nyasae nigo agoitaba edini, eria amorokererio aye akorwa ase ring’ana riaye, Ebibilia. Bonsi abagosasima ase ekeene nigo babwate okwegena okomo.—Soma Yohana 4:23, 24; 14:6; Abaefeso 4:4, 5.
Rora evidio Je, Mungu Anakubali Aina Zote za Ibada?
2. Ninki Yeso atebete igoro y’Abakristo b’oborimo?
“Igo bagoteba ng’a mbamomanyete Nyasae, korende ase ogokora kwabo bamokana.”—TITO 1:16.
Yeso nabakurerete Abakristo ng’a ababani b’oborimo mbaache, nagosaria Obokristo. Korwa isiko nigo bakororekana buna Abakristo b’ekeene. Chikanisa chiabo nigo chigoteba ng’a nechi’Egekristo chire. Korende aye nabo orabamanye abanto abwo eki bori bare. Ase nchera ki? Edini y’ekeene nero yoka ere na Abakristo b’ekeene bare n’orogendo, ne chimbwa chingiya chikororekana.—Soma Matayo 7:13-23.23.
3. Inaki oramanye abagosasima ase ekeene?
Itona ebimanyererio ebi bi’okomanyia bitano:
Abakristo b’ekeene mbayesigete Ebibilia buna ring’ana ria Nyasae. Nigo bare n’omokia komenya koreng’ana n’ebirengo bi’Ebibilia. Ase igo, edini y’ekeene tenga chidini chire n’amorokererio a mwanyabanto. (Matayo 15:7-9) Abakristo b’ekeene tibari okong’o nyamenwa ebere.—Soma Yohana 17:17; 2 Timotheo 3:16, 17.
Aborokigwa ba Yeso b’ekeene nigo basigete erieta ria Nyasae, Yehova. Yeso nigo asigete erieta ria Nyasae, ase okorimanyia abande. Nigo abakonyete abanto komomanya Nyasae na koborokereria gosaba ng’a, erieta ria Nyasae risikwe. (Matayo 6:9) Inee, ase omenyete, dini ki ekomanyia abanto igoro y’erieta ria Nyasae?—Soma Yohana 17:26; Okong’anya 6:3; Abarumi 10:13, 14.
Abakristo b’ekeene nigo bakorandia igoro y’Oboruoti bwa Nyasae. Nyasae nigo amotomete Yeso, korandia amang’ana amaya y’Oboruoti. Oboruoti bwa Nyasae nabwo bwoka bore ogosemeria kwa mwanyabanto. Goika ogokwa kwaye, Yeso nigo aborandetie. (Luka 4:43; 8:1; 23:42, 43) Naende agateba ng’a, aborokigwa baye mbaborandie. Inee, mbarabi rero bakorandia enyomba ase enyomba igoro y’Oboruoti bwa Nyasae buna Yeso arandetie?—Soma Matayo 24:14.
Nabo okobamanya ekiagera barobwo, tibari gwesoyia ase siasa gose ase okoamererania konde gwensi kwa abanto. (Yohana 17:16; 18: 36) Naende tibari kwegia chingencho n’emioyo emebe y’ense.—Soma Yakobo 4:4.
Abakristo b’ekeene nigo banchaine mono. Korwa ase Ebibilia, nigo bakweorokereria kobasika abanto b’ebisaku bionsi. Nonya chidini chi’oborimo chikorwa okoboko ase chisegi chikorwanwa ase chinse, Abakristo b’ekeene barabwo nigo bakwanga. (Mika 4:1-3) Ribaga erio, barabwo nigo bakwerwa ase ogwancha korua ebinto ne chingaki chiabo kobakonya na kobaremia abande.—Soma Yohana 13:34, 35; 1 Yohana 4:20.
4. Inee, n’onyare komanya edini y’ekeene?
Inee, dini ki, amorokererio aye onsi akorwa ase ring’ana ria Nyasae, esigete erieta ria Nyasae, na koraria ng’a Oboruoti bwa Nyasae nabwo bwoka bore ogosemeria kwa mwanyabanto? Mbarabi ase edini yabo banchaine na gwetanga ne chisegi? Aye inaki oroche?—Soma 1 Yohana 3:10-12.