Enchera amasomo aya y’okwegera Ebibilia aragokoonye
Ritang’ani etera ensemo eye y’ogochakera, na erio origereria EVIDIO.
ENSEMO ENTANG’ANI
Erio kwarigania ase kera ereseni, soma ensemo entang’ani. Amaborio arikire ase egwino endito (A) na amariko (B) itona amang’ana amanene. Inyora ng’a amariko ande nigo aorokirie “soma.”
ENSEMO YA GATI
Amang’ana yogochaka (C) inse yensemo Egera Amange nigo akoeresa aya akobwatia. Emetwe emeke (D) nigo egokwanera amang’ana amanene. Kore n’omworokia, soma amariko, iraneria amaborio, na rigereria chividio.
EVIDIO ne chirekoti chi’ogotegerera ase ereseni nigo chigokoa obomanyi obuya bw’ensemo okwegera. Chividio chinde nigo chikwanerete amang’ana beene agokorekana. Echinde nigo chire chi’okwegia chitari gokwana amang’ana gose abanto beene, korende chikoorokia ayaranyare gokoreka.
Ringoria chibicha n’amaereso yechibicha (E), boigo orengererie buna orairaneria riborio rire ase ensemo Abanto Bande Nigo Bagoteba (F).
ENSEMO Y’OMOERIO
Ereseni nigo ekoera n’ensemo Ase Obweng’e na Einyorie (G). Rika chitariki ekero ereseni yaerire. Ekerenga (H) nigo kegokoa aya oganeirie gokorera emeremo. Ensemo ya Tuka Mono (I) nigo ebwate amang’ana ayakorengete orechorere gosoma gose korigereria.
Ayare Imeo
|
|
|
|
|
Buna oranyore ebibungo bi’Ebibilia
Ebibilia nigo ebwate ebitabu 66 ao ao. Nigo ebaganire chinsemo ibere: Amariko y’Ekeibirania-Ekearamaiki (“Okobwatana Ogokoro”) na Amariko y’Ekegiriki y’Egekristo (“Okobwatana Okoyia”).
Ekero ririko rikoorokirwa ase egetabu eke, nigo rikoorokia erieta rie egetabu ki’Ebibilia (A), kobwatiwa na egesieri (B), na ekebungo gose ebibungo (C).
Ase omobwekano, Yohana 17:3 engencho yaye egetabu kia Yohana, egesieri 17, ekebungo 3.