Na’am Mɔɔlegɔ N Boi De To’ore Ti To Wan Dekɛ Eŋɛ Baabule Zamesegɔ September Poan

September ŋmarega la poan, to wan eŋɛ ania dekɛ Tara Vom Somɔ Daarewoo! gɔnlɛmlɛm la eŋɛ Baabule zamesegɔ yire woo poan. Na’am mɔɔlegɔdoma ta’an dekɛ awa 30 tum sore ŋmɛ’a soŋerɛ tuuma la. To wan eŋɛ la wani ta’an tum na’am mɔɔlegɔ tuuma wa n boi de to’ore la?

• Pɔsega Yetɔɣum La: Dekɛ yelese’a n boi gɔnlɛmlɛm la pooren la pɔsɛ sɔsega n kɛ̃’ɛri suure ta’an eŋɛ Baabule zamesegɔ. Tɛra sɛba n daa boti yelesum la. Ba daa san puɣum ka bɔta Baabule zamesegɔ la daanse’ere ba nyaa wan bɔta to tari gɔnpaalega wa ita to zamesegɔ la se’em la. La ka nari ti to dekɛ gɔnlɛmlɛm la basɛ yise’a ti to ka nyɛ nɛra bim bii to gulesɛ gɔŋɔ dekɛ gɔnlɛmlɛm la pa’asɛ bo sɛba n ka boti yelesum la. Daanse’ere Tansugere Na’am Tuuma Bisegadoma la wan eŋɛ na’am mɔɔlegɔ maaseŋɔ pa’asɛ ŋmarega la poan.

• Yɔ’ɔ Se’a N Boi: Ya tansugere la san tara gɔnɔ toroko la, dekɛ tara Vom Somɔ Daarewoo! gɔnlɛmlɛm la eŋɛ bim. Yele sɛba n boti gɔŋɔ la ti to tari ku ita la Baabule zamesegɔ zaŋa. Tɔɣɛ gi’a gi’a pa’alɛ to iti Baabule zamesegɔ se’em bilam bilam bii ya maasum eŋɛ pooren. Daanse’ere na’am mɔɔlegɔ bisegadaana la wan eŋɛ maaseŋɔ loe na’am mɔɔlegɔdoma n kumesɛ ti ba keŋɛ tuuma zɛ’ɛsi n boi ya gingilega la poan ta eŋɛ Baabule zamesegɔ. Ho me ta’an le pɔsɛ Baabule zamesegɔ la ho tuuma tadaandoma bii nɛresɛba ti ho puɣum ka maasum ge tɔɣera bɔ’ɔra ba la.

Yezu yuun bo nɔɔrɛ ti to “ɛ podɔleba” ge ‘pa’ala ba.’ (Mt 28:19, 20) Basɛ ya ti na’am mɔɔlegɔ n boi de to’ore wa soŋɛ tɔ ti to dekɛ Tara Vom Somɔ Daarewoo! gɔnlɛmlɛm la tara ita Baabule zamesegɔ.