A Yuun Zabɛ Mɛ La Nɛrewaɣelɛ

DAVID yuun bisɛ nyɛ la buraa n ze Elah bũ’ɔ la poan ti ba yi’ira en Goliat! A yuun tari la paŋa paa ge me wɔɣɛ. Mina n yuun zãli a zaberɛ lɔɣɔrɔ ze’a a zɛ’an la yuun pɔ’ɛ mɛ a nɛŋan wuu bia la. Nɛreba yuun san ni nyɛ en, dabeem n ni tara ba. Ge David n yuun nyɛ Goliat la, dabeem yuun ka tari en. Sɛla n yuun basɛ ti David tara sukpe’ene. Bem n bala?

Ge ti David yuun zabɛ la Goliat la, nɔdɛ’ɛsa Samuel yuun loe la David ti a ta dɛna Israel tiŋa naba. Kɔ’ɔn pɔsɛ sankaŋa, Yehowa vo’osum n yuun boi la bia wa, ti a tuna yelekiresi. Sankaŋa la, David yuun baʼɛ pɔʼɛ mɛ ti a paʼasɛ soogɛpa la poan ge nɛreba yuun mi ti a dela mina n tari sukpe’ene ge “kpe’em, . . . dɛna pɛɛntɛɛnra.” Daarɛ deyima ti David sɔ Yesse yuun tum en ti a ta bisɛ a suurɔ la n ani se’em. Ba yuun dela soogɛpa. Daanse’ere, David yuun nan ka paɛ yuun 20.

David n yuun paɛ Elah Bũ’ɔ la poan la, a yuun nyɛ la Israeldoma soogɛpa, la Filistidoma soogɛpa. Israeldoma soogɛpa la yuun zoti la dabeem ti ba zabɛ la Goliat, n de Filistidoma soogɛa kpɛ’ɛma la. Bala n sɔi ti ba yuun ze’a bakwai zo’e zo’e, ka bɔta ti ba zabɛ la Filistidoma la. David yuun wum la Goliat n tuuri Israel soogɛpa la. David n yuun wum bala la, a sunsɔa n yuun nyie, se’ere n sɔi la baɣa kaabera wa yuun tuuri la Yehowa Naayinɛ! David yuun soke la soogɛpa la ti a baŋɛ Goliat n de nɛresɛka. A yuun le bɔta ti a baŋɛ la Naba Saul n wan eŋɛ sɛla bo nɛresɛka n wan zabɛ nyaŋɛ Goliat. David keema Eliab n yuun wum ti a sokeri wana wa la, a yuun ti’isɛ ti a wa’ana ti a bisɛ la zaberɛ la n ani se’em. Bala la, Eliab yuun pɔsɛ zɛregera David mɛ. Ge David yuun kelum kpɛmesa la soogɛpa la giila ti ba zabɛ la Goliat.

Naba Saul n wum David yele la, ti a basɛ ti ba yi en. David yuun kpemese naba la giila yeti: “Nɛra nɛra paleŋa da ŋmɛ’ɛra la [Goliat].” David yuun yeti eŋa wan “keŋɛ ta zabɛ la [Filistia] boraa wa.” Yia la, Saul yuun ka sakɛ ti a keŋɛ. A yuun ti’isɛ ti David san keŋɛ, Goliat wan ku en. Ge David yuun yele naba la yeti Yehowa tabelɛ soŋɛ eŋa mɛ ti a ku gbeɣenɛ la saseŋa n yuun wa’an ti ba nyɔkɛ a sɔ piisi. Bala la, Saul yuun sakɛ mɛ ge dekɛ a zaberɛ lɔɣɔrɔ tee yɛ David ge dekɛ a su’a la pa’asɛ en. Lɔɣɔrɔ la yuun tibegɛ bo David mɛ. Bala ti a yɛɛ ba biŋe ge dekɛ a dunkeendoore, la a kalɔbega.

David n yuun paɛ bũ’ɔ la poan la, ti a teke pi’isi kugesaala anuu kulega nɔɔren ge nyaa keŋɛ tu’usɛ soogɛa waɣelɛ wa. Goliat n yuun nyɛ David la, ti a pɔsɛ ɛ̃regera David, la eŋa n tari “dibehe” kena a zɛ’an ti a zabɛ la en la. A yuun tɔɣeri la David dunkeendoore la n bala. Daanse’ere Goliat yuun ka mi ti David tari la kalɔbega ti a wan ta’an lobe ku en. Filistidoma soogɛa kpɛ’ɛma wa yuun “dekɛ la a baga pɔta baha David zuo” ge yele en ti a wan aasum en ge dekɛ en bo niisi, la goo dusi.

David yuun lebese en yeti: “Hom tare la so’a la kanɛ la zan’anɛ to’oha mam na. Ge mam dekɛ la . . . [Yehowa] n de Israel pɛɛntɛɛnreba Yenɛ te ho kɛhɛ [la] yu’urɛ to’oha ho na.” Bala n sɔi ti David yuun tara sukpe’ene la. A yuun ka tari amea makera la Goliat. A yuun tuɣum dekɛ Goliat makɛ la Yehowa Naayinɛ! Bala la, David yuun mi soŋa soŋa ti a wan ta’an ku nɛrewaɣelɛ wa ge me wan zabɛ nyaŋɛ Filistidoma la.

David yuun nyaa pɔsɛ zɔta tu’usa la Goliat. Bia wa yuun loe la kugere a tapɔɔ la poan eŋɛ a kalɔbega la poan, nyaa lobe ka. Daanse’ere, Goliat yuun nyaa nyɛ kalɔbega la mɛ ge a kan nyaŋɛ li’isɛ. David n lobe la, kugere la ŋmɛ la Goliat gbe’ere firɛ, ti a “lu teŋa aliko.” Bala ti David nyaa zɔ paɛ Goliat zɛ’an, dekɛ Goliat mea su’a fike a zuo. Dabeem yuun ka le tara Israel soogɛpa la. Ba yuun nyaa kaasɛ la taguruga ge pɔsɛ digera Filistidoma la. Daandindaarɛ, Naayinɛ nɛreba n yuun zabɛ nyaŋɛ. David makesonɛ la yuun bo Israeldoma la sukpe’ene. La basɛ ti tomam me tara la sukpe’ene zina beere wa.

Kaalɛ Baabule zɛ’ɛsi wa:

• 1 Samuel 16:​13, 18, 19; 17:​1-54

Sɔsɛ ya sokere wa:

David yuun eŋɛ la wani pa’alɛ ti a tari sukpe’ene?

Viisɛ Pa’asɛ

1. 1. Bani n yuun le bɔna David yizuo la poan tara sukpe’ene? (Mt. 1:​5, 6; Lu. 3:​31-38; w12-E 10/1 24 ¶3)

   Lebese

2. 2. Bem n pa’alɛ ti yele wa yuun sirum eŋɛ mɛ? (wp16.5-E 13) Bisɛ foote A

   Lebese

   

   Courtesy of Israel Antiquities Authority

3. 3. Tɔɣɛ pa’alɛ David vom n yuun ani se’em eŋa n yuun de bia ge dɛna dunkeena la. (w11-E 9/1 27 ¶1–28 ¶1) Bisɛ foote B

   Lebese

   

   Todd Bolen/BiblePlaces.com

4. 4. Nɛreba basɛba yuun geele David la wani? (w21.03-E 3 ¶6; it-E “Eliab” No. 4 ¶1)

   Lebese

Ti’isɛ Hon Wan Dekɛ Tum Tuuma Se’em

• David makesonɛ la wan soŋɛ ho la wani . . .

  • dabeem san tara hɔ? Bisɛ foote D

    Lebese

    

  • ti ho ta’an zaɣesɛ putɛbe’ero?

    Lebese

• Ho san tara sukpe’ene, la wan soŋɛ nɛreba me la wani? (1 Sa. 17:​50-53)

  Lebese

• Ho wan eŋɛ la wani ta’an tɔɣesa David sukpe’ene la?

  Lebese

Ti’isɛ Taɣesɛ Yehowa Yele

• David yele wa pa’alɛ mam ti Yehowa ani la wani?

  Lebese

• David yele wa makɛ la Yehowa puti’irɛ la wani?

  Lebese

• Yehowa san ta isige David kum poan, mam wan soke en la bem?

  Lebese

Zamesɛ Yɛla Pa’asɛ

Kɔma yuunɛ wa poan, bisɛ sɛla n yuun basɛ ti David tara sukpe’ene.

David—An Example for Youths (2:35)

Mabiburaasi wan eŋɛ la wani ba san bɔta ti nɛreba bɔ’ɔra ba gilema wuu David la?

“Young Men—How Can You Gain the Trust of Others?” (w21.03-E 2-5 ¶1-11)