ZASEŊƆ 9

Daandeni Ti Paradiisi Wan Wa’ana?

Daaŋɔ n boi teŋa wa zuo pa’alɛ ti Naayinɛ Na’am la wan tun tuuma. Luke 21:10, 11; 2 Timoti 3:1-5

Yeledaaŋɔ se’a n wan ta ita ba’asegɔ dabesa la poan—kɛkɛ, zaba, ba’asi, kom, ka nana ba dɔgɔreba la tonfɛ’ɛnha

Baabule la puɣum te’ele tɔɣɛ yelese’a n wan ita to mam saŋa wa. La yeti nɛreba wan nɔŋɛ ligeri, kan nana dɔɣereba, kan tara nɛreba giile ge nɔŋɛ sɛla ti ba bɔta.

Teŋmiiŋɔ, zaba, kom la bã’asi wan bɔna. Yele ana wa n sirum iti nananawa.

Yehowa Sɛɛradoma mɔɔla Na’am la yelesoma bɔ’ɔra buraa

Leyɛ’ɛsa, Yezu yuun yeti, ba wan mɔɔlɛ Na’am yelesoma wa bo teŋa woo.—Matu 24:14.

Naayinɛ Na’am la wan yese putotuuma basɛ. 2 Peter 3:13

Ba wan sa’am nɛrebɛ’ɛsi la Armagedon poan ge Sitaana la a kolekpabɛ’ɛsi la wan nyɛ tubedɔlegerɛ

La kan yue Yehowa wan sa’am putɔpa za’a.

Sitaana la kolekpabɛ’ɛsi la wan nyɛ tubedɔlegerɛ.

Yezu zi’a saazuo ge ti nɛreba buuri buuri tara pupeelum

Sɛba n keleseri Naayinɛ nɔɔrɛ la wan nyɛ nyɔvore bɔna tontɔɔ teŋpaalega poan, tara sakerɛ la nɔŋerɛ bɔ’ɔra taaba ti dabeem kan bɔna bim.