Yehowa Sɛɛradoma Ka Boti Nɛreba Bisera Sinii Ase’a, Kaala Gɔnɔ Ase’a Bii Kɛlesa Yuuma Ase’a?

Aayi. Tomam tigere wa ni ka bisa sinii, gɔnɔ bii yuuma ge nyaa ni pa’alɛ nɛreba sɛla n ka nari ti ba kɛlesa bii kaala. Beni n sɔi ti to ka ita bala?

Baabule la kpemese nɛra woo giila ti ba dekɛ ba “puti’irɛ” ti’isɛ bɔkɛ sɛla n ani soŋa la sɛla n de be’em.​—Hebru 5:14.

Baabule la tari naresum yɛla n wan soŋɛ Kristabia ti a ti’isɛ bisɛ de’eŋo seko ti a wan loe.a Wuu to puɣum ita se’em la, to puti’irɛ dela to ‘kɔ’ɔn ita sɛla n nari bɔ’ɔra Daana la.’​—Epesus 5:10.

Baabule la pa’alɛ ti deo zuodaana tari kpe’eŋo mɛ, bala la a ta’an loe ti a ka boti a deodoma la bisera bii kɛlesa de’eŋo ase’a. (1 Korint 11:3; Epesus 6:1-4) Ge la san daɣɛ la yizuo la poan, nɛnɛra ka tari sore ti a loe siniidoma, yuuma bii de’eŋo dɛ’ɛneba basɛba yeti ba ka nari bɔ’ɔra Sɛɛradoma.​—Galatia 6:5.