BAABULE LA TEERI NƐREBA VOM MƐ

Ba Yuun Nyɛ “Tuulum Lɔkɔ” La Mɛ

Yezu yuun pa’alɛ ti Naayinɛ Na’am la n wan maalɛ asaala yeledaaŋɔ woo. (Matu 6:10) Matu 13:44-46 poan, a yuun bo la makerɛ bayi n pa’alɛ Naayinɛ Na’am la yelemɛŋɛrɛ n de tuulum se’em:

Fɔɔra: Buraasi bayi ti Yezu tɔɣɛ ba yele a makerɛ la poan. 1. Buraa n tũ’uri va’am poan ti la eŋɛ en pakerɛ la eŋa n nyɛ sɛla la. 2. Buraa ayima me n zãli tuulum lɔkɔ ge la’ara.

Buraa ayima n yuun boi va’am poan nyaa ta di’e nyɛ tuulum lɔkɔ.
Kɔɔsa n eeri tuulum lɔɣɔrɔ nyaa yuun ta nyɛ tuulum lɔkɔ ayima n di mi’a.

Buraasi wa yuun koose ba sɛla woo mɛ ti ba ta’an da tuulum lɔkɔ la ti ba nyɛ la. Buraasi wa ze’ele bo la nɛresɛba n geele Na’am la ti la dɛna tuulum bɔ’ɔra ba ge nyaa ãaregera bamesi ti ba ta’an nyɛ kã’a sebo n boi bim la. (Luke 18:29, 30) Vidiyo wa poan, bisɛ mabiisi bayi zi’irego poan yɛla n ani wuu buraasi la ti Yezu tɔɣɛ ba yele a makerɛ la poan la.