NAAYINƐ TUULUM YƐLA | MALEMA 8-9
La Pa’alɛ La Yehowa Kã’a
Yehowa yuun basɛ mɛ ti bugum sige na di kaabegɔ la bimbine la zuo ti Aron la a dayɔɔsi n de malemadoma la yuun nan kɔ’ɔn pɔsɛ eŋɛ la. Yehowa yuun eŋɛ pa’alɛ ti a nam bo ba mɛ ge me soŋera ba. Yehowa yuun kpemese Israeldoma la giila mɛ ti ba dekɛ ba paŋa za’a laɣum soŋɛ malemadoma la. Zina beere wa Yehowa tari la Yezu Krista n de Malema Nɛŋadaana kãtɛ la tuna tuuma. (Heb 9:11, 12) Yuun 1919 poan la ti Yezu yuun loe looredoma la basɛba ti ba dɛna ‘sakerɛ la yɛm yameŋa la.’ (Mt 24:45) Bem n pa’alɛ ti Yehowa n soŋeri ge kã’ara bɔ’ɔra yɛm yameŋa la?
La ka pakɛ la yaarɛ la za’a, yɛm yameŋa la kelum bɔ’ɔra tɔ vo’osum poan dia mɛ saŋa woo
Wuu pu’ulumbiŋe la n yele se’em la to mɔɔli sɔ’ɔlom yelesoma wa bɔ’ɔra la “teŋa wa woo nɛreba.”—Mt 24:14
To wan eŋɛ la wani ta’an laɣum soŋɛ sakerɛ la yɛm yameŋa la?