To Kumesɛ Tomea Na’am Tuuma La Poan—Ta’an Di Sɛɛra Bo Se’em N Ka Tɔɣeri To Yetɔɣum
La Yele N Pakɛ Se’em: Yehowa boti la “buuri” woo nɛreba baŋɛ en soŋa. (Tooma 10:34, 35) Bala la, Yezu yuun yeti ba tɔɣɛ yelesoma la bo ‘teŋa woo nɛreba’ teŋgɔŋɔ wa poan. (Matu 24:14) Zekaria yuun tɔɣɛ biŋe ti nɛreba zo’e zo’e “wan yehe teŋa wa zuo buuri woo” poan na kelese. (Zek. 8:23) Tuntuna Yon zaaseŋɔ poan la, a nyɛ la nɛreba n yese “buuri woo, la teŋhe woo, la yetɔgom woo” n piɛ mɛlesegɔ katɛ la. (Lili. 7:9, 13, 14) To baŋɛ yele ana wa zuo la, to san ta tu’usɛ nɛra to gingilega la poan ti a ka tɔɣera to yetɔɣum, to tiregɛ di sɛɛra bo en.
Dekɛ Tum Tuuma Ŋmarega Wa Poan:
Eŋɛ pa’alɛ ya wan di sɛɛra bo nɛra n ka tɔɣeri ya yetɔɣum se’em ya san ita ya Deodoma Pu’usegɔ.