To Wan Dekɛ To Gɔnɔ Torego La Di Sɛɛra Se’em

Gɔnɔ torego bii teebule la ti to tara dita sɛɛra la, soŋerɛ putɛsonɛdoma mɛ ti ba baŋerɛ yelemɛŋɛrɛ la. (Yon 6:44) Bala la, keendoma la n wan bisɛ tansugere la zɛsɛka ti nɛreba zo’e ti ba wan ta’an dita sɛɛra. To gɔnɔ la ti to ka kɔɔsa ge me ka zea bɔbeyinɛ la, la ka nari ti to yele kpɛ’ɛndoma la ge nyaa dekɛ ze’ele. Bani n nari ti ba laɣum tum tuunɛ wa? Na’am mɔɔlegɔdoma sɛba n bɔkerɛ yɛla, mina guŋerɛ ge tana bamea tara. Sɛla n nari la sɛla n ka nari n wana ti na’am mɔɔlegɔdoma la wan doose tum tuunɛ la soŋa.

Sɛla n nari:

Basɛ ti sɛba n ye tɔla la baŋɛ ti ho puurɛ pee la ba mɛ ge ti ho bɔta ho soŋɛ. Na’am mɔɔlegɔdoma basɛba ni la mɛ mɔsi ge nyaa pu’usɛ nɛra la. Nɛra san bisera gɔnɔ la ge ye’a tɔla, ho ta’an yeti, “Loe gɔnseko ti ho bɔta.”
Ze’ele zaɛ fii la gɔnɔ la. Zɛ’ɛsi a se’a poan, na’am mɔɔlegɔdoma basɛba bisɛ ti la dela soŋerɛ bɔ’ɔra ba la ba ni ze’ele lɛm gɔnɔ la. Basɛba me bisɛ ti wana wa ni basɛ ti sɛba n ye tɔla la ka bɔta ba teke ze’ele, bala la ba ni ze’ele zaɛ la fii gura ti nɛra paɛ bim. Nɛra la san paɛ gɔnɔ la zɛ’an, tiregɛ ti hon la eŋa sɔsɛ hali ho ta’an soke en yeti, “Hon tabelɛ ti’isɛ yele wa bisɛ?”
Dekɛ Baabule la tum tuuma.
Nɛra san loe Bible Teach gɔŋɔ la, pa’alɛ en to iti Baabule zamesegɔ se’em bɔ’ɔra nɛreba. Yese Bem Zuo Ti La Nara Ti Ho Zamesɛ Baabule La? vidiyo la ti a bisɛ.
Sɛba n boti yele la, ho ta’an to’e ba address la ba telefon nɔmba. Nɛra la n kɛ̃’ɛri zɛ’an la san ka lɛm ya, gulesɛ Please Follow Up (S-43) sokere gɔŋɔ la dekɛ bo tansugere gɔngulesa la kalam.