Hon wan eŋɛ se’em nyɛ nyuurɔ zo’e zo’e Baabule zamesegɔ wa poan
Yia la bisɛ gɔŋɔ wa yelekpina la ge nyaa ŋmɛ VIDIYO la.
YIA BƆBERƐ
Ho san ɛɛra ho te’ele zamesɛ zamesegɔ woo, ni kaalɛ yia bɔberɛ la. Sokere la n gulesɛ gã’a pɔi pɔi la (A) la Baabule gulesegɔ la (B) n pa’ali yelezuto la. Mina ti Baabule gulesegɔ ase’a dãalɛ yeti “kaalɛ.”
TIŊASUKA BƆBERƐ
Viisɛ Pa’asɛ yelesum la (D) pa’ali la yelese’a n taɣelɛ la. Zupiɣesi la (E) pa’ali la sɔsega la. Hon la ho pa’alegɔdaana kaalɛ Baabule gulesegɔ la, lebese sokere la ge bisɛ vidiyodoma la.
VIDIYO zɛ’ɛsi la wan basɛ ti ho ta’an bisɛ vidiyodoma n wan soŋɛ ti ho bɔkɛ zamesegɔ la. Vidiyodoma basɛba tɔɣɛ la yelese’a n sirum eŋɛ nɛreba vom poan. Basɛba dela itipa’alegɔ vidiyodoma n kɔ’ɔn daɣena yelese’a n sirum eŋɛ nɛreba vom poan ge ba pa’alɛ la yɛla n ta’an sirum eŋɛ.
Bisɛ fɔɔra la, la sɛla n gulesɛ bɔna bim la (Ɛ) ge ti’isɛ bisɛ hon wan lebese se’em, Nɛreba Basɛba Yeti zɛ’an la (F).
BA’ASEGƆ BƆBERƐ
Yelekpine la Tiisegɔ Sokere la (G) n kilese zaseŋɔ la. Ya san zamesɛ ba’asɛ, gulesɛ dabeserɛ la bim. Mam Boti N Eŋɛ Sɛla (H) zɛ’an la bo ho la tuunɛ ti ho tum. Ɛ Bisɛ (I) zɛ’an la tari la yɛla ti ho wan ta’an loe kaalɛ bii ho bisɛ.
Yelese’a n boi gɔŋɔ wa poan
|
|
|
|
|
Hon wan eŋɛ se’em ta’an nyɛ Baabule kaalegɔ zɛ’ɛsi
Baabule la tari la gɔnɔ 66. Baabule la tari la bɔba ayi: ba gulesɛ yia bɔberɛ la Hebru la Aramaic yetɔɣum poan (“Old Testament”) ge gulesɛ bɔberɛ seko n pa’asɛ buyi la Greek yetɔɣum poan (“New Testament”).
Ho san nyɛ Baabule gulesegɔ gɔŋɔ wa poan, ba ni gulesɛ la Baabule gɔŋɔ la yu’urɛ (A) nyaa taɣelɛ ku zuo (B) la kaalegɔ zɛ’an bii zɛ’ɛsi (D).
Makerɛ, Yon 17:3 pa’alɛ la Yon gɔŋɔ la, a zuo 17, a kaalegɔ zɛ’an 3.