Vom Yuun Ani La Wani Paradiisi Teŋa La Poan?

Yehowa yuun dekɛ sɛla woo eŋɛ la Adam la Hawa nu’usin. Pin’ileŋɔ 1:28

Hawa n de pɔɣesɛka ti Yehowa naam yia dekɛ bo Adam ti a dɛna a pɔɣa.—Pin’ileŋɔ 2:21, 22.

Yehowa yuun naam ba mɛ ti ba ana kasi ti daaŋɔ ka paara ba.

Eden va’am la poan n yuun de ba Paradiisi yire​—zɛsoŋa ti kulega gã ge ti tiisi buuri buuri bɔna bim la dusi.

Yehowa yuun tɔɣeri bɔ’ɔra ba mɛ ge pa’ala ba. Ba yuun san kelese ni en, ba wan vɔi ni Paradiisi teŋa la poan daarewoo.

Naayinɛ yuun yeti ba da di tia ayima wɔla. Pin’ileŋɔ 2:16, 17

Yehowa yuun yele Adam la Hawa ti ba da di tia kayima va’am la poan, ba san di ka ba wan ki.

Malakadoma la ayima yuun eŋɛ la kpenkpasi la Naayinɛ. Malaka bɛ’a wa n de Sitaana Kolekpabɛ’a la.

Sitaana yuun ka boti Adam la Hawa nam Yehowa nɔɔrɛ. Bala a dekɛ doose la bonsɛla pã’asɛ Hawa ti a san di wɔla la a wan ana wuu Naayinɛ ge me kan ki. Wana za’a yuun dela pumpɔreŋɔ.—Pin’ileŋɔ 3:1-5.