કરોડો લોકોની પ્રાર્થના “તમારું રાજ્ય આવો”
સદીઓથી લોકો ઈશ્વરને પ્રાર્થના કરતા આવ્યા છે કે “તમારું રાજ્ય આવો.” તેઓ શા માટે એવી પ્રાર્થના કરે છે? કારણ કે, ઈસુએ પોતાના શિષ્યોને ઈશ્વરનું રાજ્ય આવે માટે એવી પ્રાર્થના કરવાનું શીખવ્યું હતું.
ઈશ્વરના રાજ્ય વિશે ઈસુએ જે કહ્યું, એ તેમના શિષ્યો પહેલાં સમજી શક્યા ન હતા. એટલે તેઓએ ઈસુને પૂછ્યું: ‘પ્રભુ, શું આ સમયે તમે ઇઝરાયેલનું રાજ્ય ફરીથી લાવી રહ્યા છો?’ ઈસુએ તરત તેઓને જવાબ ન આપ્યો ત્યારે, તેઓને નવાઈ લાગી હશે. (પ્રેરિતોનાં કાર્યો ૧:૬, ૭) ચાલો આ સવાલો પર વિચાર કરીએ: ઈશ્વરનું રાજ્ય શું છે? એ ક્યારે આવશે? બાઇબલ એનો જવાબ આપે છે!
ચોકીબુરજના આ અંકમાં આપણે આ સવાલોના જવાબ જોઈશું:
ઈશ્વરના રાજની આપણને કેમ જરૂર છે?
ઈશ્વરે કોને રાજા તરીકે પસંદ કર્યા છે?
ઈશ્વરનું રાજ ધરતી પર ક્યારે આવશે?
ઈશ્વરનું રાજ્ય શું કરશે?
આપણે શા માટે ઈશ્વરના રાજ્યને હમણાંથી જ ટેકો આપવો જોઈએ?
ઈશ્વરનું રાજ્ય શું છે?