કાયમનું જીવન પસંદ કરો

આજે દરેક બાબતોમાં પસંદગીની લાઈન લાગી જતી હોય છે. દાખલા તરીકે, કપડાં, ખોરાક, કામ, ઘર આ બધી જ બાબતની આપણે પસંદગી કરીએ છીએ. અરે ઘણા દેશોમાં તો, પોતાના લગ્‍ન સાથી પણ લોકો જાતે જ પસંદ કરતા હોય છે. પરંતુ, બાઇબલ આ બધાથી એક ચઢિયાતી પસંદગી વિષે બતાવે છે જેનો દરેક વ્યક્તિ લાભ ઊઠાવી શકે છે. એ શું છે?

બાઇબલ કહે છે: “સદાચારીને જીવન મળે છે; દુરાચારીને મોત મળે છે.” (નીતિવચનો ૧૧:૧૯, IBSI) તેમ જ, ઈસુ ખ્રિસ્તે કહ્યું: “અનંતજીવન એ છે કે તેઓ તને એકલા ખરા દેવને તથા ઈસુ ખ્રિસ્ત જેને તેં મોકલ્યો છે તેને ઓળખે.”—યોહાન ૧૭:૩.

ઉત્પન્‍ન કરનાર પરમેશ્વર યહોવાહે, દરેકને તક આપી છે કે આપણે અત્યારે એવું જીવન જીવીએ, જેનાથી કાયમનું જીવન પસંદ કરી શકીએ! પરંતુ, આ જીવન મેળવવા આપણે શું કરવું જોઈએ?

બાઇબલ કહે છે: “નેકીના માર્ગમાં જીવન છે.” (નીતિવચનો ૧૨:૨૮) આપણે પણ એ નેક વ્યક્તિઓના લીસ્ટમાં આવી શકીએ છીએ. કઈ રીતે? ફક્ત યહોવાહની ઇચ્છા પ્રમાણે જીવીને અને તેમની આજ્ઞાઓ પાળીને આપણે એ જીવન મેળવી શકીએ છીએ. (માત્થી ૭:૧૩, ૧૪) તેથી, ચાલો આપણે જીવનની સૌથી સારી પસંદગી કરીએ અને યહોવાહે આપેલી ભેટ, કાયમનું જીવન પસંદ કરીએ.—રૂમીઓને પત્ર ૬:૨૩.