Shiɛmɔ Wiemɔi

Kɛhã Biblia mli nikasemɔi ashishijee yɛ klɛŋklɛŋ Hɔɔ ni yɔɔ September mli lɛ nɔ

“Mɛi babaoo heɔ yeɔ akɛ ŋwɛibɔfoi yɛ. Ani bo hu oheɔ oyeɔ nakai? [Ŋmɛɛ gbɛ ni ehã hetoo.] Ŋwɛibɔfoi yɛ hewalɛ waa, ejaakɛ mumɔŋ bɔɔ nii ji amɛ, shi ani osusuɔ akɛ amɛbaanyɛ amɛye amɛbua wɔ? Biblia lɛ tsɔɔ wɔ bɔ ni amɛyeɔ amɛbuaa adesai ŋmɛnɛ.” Okɛ sane ni yɔɔ September 1 Buu-Mɔɔ lɛ sɛɛ lɛ atsɔɔ lɛ, ni okɛ lɛ asusu sane ni yɔɔ klɛŋklɛŋ sanebimɔ lɛ shishi lɛ he, ni nyɛkane kɛ́ hooo lɛ ŋmalɛi ni yɔɔ jɛmɛ lɛ ateŋ ekome. Okɛ woji tɛtrɛbii lɛ ahã lɛ, koni okɛ lɛ ato gbɛjianɔ ni okɛ lɛ ayasusu sanebimɔ ni nyiɛ sɛɛ lɛ he.

Buu-Mɔɔ September 1

“Ani osusuɔ akɛ adesai miifite shikpɔŋ lɛ bɔ ni anyɛŋ asaa dɔŋŋ? [Ŋmɛɛ gbɛ ni ehã hetoo.] Eyɛ mli akɛ adesai nyɛŋ asaa nibii ni amɛfite yɛ shikpɔŋ lɛ nɔ lɛ moŋ, shi Biblia lɛ kɛɔ wɔ akɛ Nyɔŋmɔ baanyɛ asaa, ni eesumɔ ni efee nakai hu. Lala 65:10 lɛ maa enɛ nɔ mi. [Kanemɔ.] Buu-Mɔɔ nɛɛ tsɔɔ wɔ bɔ ni Nyɔŋmɔ baafee esaa shikpɔŋ lɛ kɛ bɔ ni wɔbaafee wɔná jɔɔmɔi ni baaba wɔsɛɛ nɛɛ mli gbɛfaŋnɔ. Ofainɛ, manyɛ mashi mahã bo?”

Awake! September

“Mɛi babaoo nuɔ he akɛ amɛnitsumɔtsɛmɛi lɛ miigbala amɛmli, ni amɛleee nɔ ni amɛbaanyɛ amɛfee yɛ he. Woloŋlelɔi kɛɔ akɛ kɛ́ mɔ ko tsu nii fe nine lɛ, ebaanyɛ etɔ biti, ni enɛ baanyɛ aye mɔ lɛ awui yɛ gbɔmɔtsoŋ kɛ jwɛŋmɔŋ fɛɛ. Kɛ́ okwɛ lɛ, mɛni baaye abua mɔ ko koni eŋmɛ pɛpɛɛpɛ yɛ shihilɛ mli? [Ŋmɛɛ gbɛ ni ehã hetoo.] Naa ŋmalɛ ko yɛ Biblia lɛ mli ni hãa mɔ susuɔ nii ahe kɛyaa shɔŋŋ. [Kanemɔ Jajelɔ 4:6.] Wolo tɛtrɛɛ nɛɛ tsɔɔ wɔ nibii ejwɛ komɛi ni baaye abua wɔ koni wɔnyɛ wɔto wɔnibii ahe gbɛjianɔ jogbaŋŋ ni wɔnitsumɔ akahã wɔtɔ biti.”