Shiɛmɔ Wiemɔi

Maŋtsɛyeli Sane ni Ji 38

“Mifata mɛi ni jaa woji ni kɔɔ sane nɛɛ ni he hiaa yɛ jeŋ fɛɛ lɛ he lɛ ahe. Onɔ lɛ nɛ.”

Kadimɔ: Bɔni afee ni onyɛ otsu shikpɔŋkuku lɛ mli nii ogbe naa lɛ, ha oshiɛmɔ wiemɔ lɛ afee kuku. Kɛlɛ, bei komɛi lɛ, shiatsɛ lɛ baaná wiemɔ lɛ he miishɛɛ ni ebaasumɔ ni okɛ lɛ agba sane. Kɛ́ ebalɛ nakai lɛ, obaanyɛ obi esusumɔ yɛ sanebimɔ ni yɔɔ wolo lɛ hiɛ lɛ he, ni okane hetoo ni Biblia lɛ kɛhaa ni yɔɔ wolo lɛ mli lɛ oha lɛ, ni okɛ lɛ asusu saji ni yɔɔ mli lɛ ekomɛi ahe bɔ ni be baaŋmɛ gbɛ. Dani obaashi lɛ, okɛ sanebimɔ “Kɛha Hesusumɔ” lɛ ni yɔɔ wolo lɛ sɛɛ lɛ atsɔɔ lɛ ni oto gbɛjianɔ ni oku osɛɛ okɛ lɛ ayasusu he.

Buu-Mɔɔ December 1

“Gbii etɛ nɛɛ mɛi bɛ deka kwraa, no hewɔ lɛ, ebaanyɛ ewa kɛha mɛi akɛ amɛaasusu Nyɔŋmɔ he. Ani osusuɔ akɛ Nyɔŋmɔ he miihia yɛ wɔshihilɛ mli? [Ŋmɛɛ gbɛ ni eha hetoo.] Yesu wie yɛ e-Gɔŋ nɔ Shiɛmɔ ni ehé gbɛ́i waa lɛ mli akɛ, kɛ́ wɔbaaná miishɛɛ diɛŋtsɛ lɛ, esa akɛ wɔná wɔkɛ Nyɔŋmɔ teŋ wekukpaa kpakpa. [Kanemɔ Mateo 5:⁠3.] Wolo tɛtrɛɛ nɛɛ tsɔɔ yiŋtoi etɛ ahewɔ ni Nyɔŋmɔ he hiaa yɛ wɔshihilɛ mli lɛ.”

Awake! December

“Wɔteŋ mɛi babaoo damɔɔ saji ni wɔnuɔ loo nibii ni wɔkaneɔ kɛjɛɔ ada­fitswaa woji amli lɛ anɔ wɔmuɔ saji anaa. Ani osusuɔ akɛ saji nɛɛ ja loo amɛji anɔkwale? [Ŋmɛɛ gbɛ ni eha hetoo.] Biblia lɛ bɔɔ kɔkɔ akɛ wɔkɛ wɔhe akafɔ̃ saji ni wɔnuɔ lɛ fɛɛ anɔ kɛkɛ. [Kanemɔ Hiob 12:​11.] Wolo tɛtrɛɛ nɛɛ tsɔɔ gbɛi komɛi ni baanyɛ aye abua wɔ ni wɔnyɛ wɔna kɛ́ saji ni wɔnuɔ loo nibii ni wɔkaneɔ lɛ ji anɔkwale loo amɛjeee anɔkwale.”