Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ September mli lɛ nɔ

“Hɛloo. Wɔba oŋɔɔ koni wɔkɛ be kukuoo ko abatsɔɔ bo nɔ ko ni baaye abua gbalashihilɛ mli hefatalɔi ni amɛgbala lɛ aye omanye. Kɛ́ okwɛ lɛ, mɛni ji nɔ titri ni haaa miishɛɛ aba gbalashihilɛ mli?” [Ŋmɛɛ gbɛ ni eha hetoo.] Okɛ September 1 Buu-Mɔɔ lɛ sɛɛ atsɔɔ lɛ, ni okɛ lɛ asusu kukuji enyɔ ni yɔɔ klɛŋklɛŋ sanebimɔ lɛ shishi lɛ, kɛ ŋmalɛi ni atsɛ yisɛɛ yɛ jɛmɛ lɛ ateŋ ekome loo nɔ he. Okɛ woji tɛtrɛbii lɛ aha lɛ koni okɛ lɛ ato gbɛjianɔ ni oku osɛɛ okɛ lɛ ayasusu sanebimɔ ni nyiɛ sɛɛ lɛ he.

Buu-Mɔɔ September 1

“Wɔba oŋɔɔ ejaakɛ mɛi babaoo ni yɔɔ wɔkutso nɛɛ mli lɛ susuɔ nɔ hewɔ ni Nyɔŋmɔ eŋmɛ amanehulu babaoo gbɛ lɛ he. Ani bo hu osusu nakai sane lɛ he pɛŋ? [Ŋmɛɛ gbɛ ni eha hetoo.] Miishɛɛ sane ji akɛ, Biblia lɛ ewo shi akɛ be baashɛ ni ŋkɔmɔyeli kɛ nɔnaa baaho aya. [Kanemɔ Kpojiemɔ 21:4.] Wolo tɛtrɛɛ nɛɛ tsɔɔ nibii enumɔ ahewɔ ni amanehulu efa babaoo nakai lɛ. Kɛfata he lɛ, etsɔɔ wɔ nɔ ni Biblia lɛ kɛɔ yɛ bɔ ni Nyɔŋmɔ baafo amanehulu sɛɛ lɛ he.”

Awake! September

“Mɛi komɛi susuɔ akɛ ejeee tɔmɔ akɛ aaaná bɔlɛ dani abote gbalashihilɛ mli. Mɛi krokomɛi hu susuɔ akɛ enɛ ejaaa yɛ kɔkɔbɔi tamɔ nɔ ni Biblia lɛ kɛhaa yɛ biɛ lɛ hewɔ. [Kanemɔ 1 Tesalonikabii 4:3.] Mɛni ji osusumɔ yɛ nifeemɔ nɛɛ he? [Ŋmɛɛ gbɛ ni eha hetoo.] Wolo tɛtrɛɛ nɛɛ haa wɔnaa nɔ ni Biblia lɛ kɛɔ yɛ bɔlɛnamɔ ni tsɔɔ gbalashihilɛ hiɛ lɛ he.”