Shiɛmɔ Wiemɔi

Kɛha Biblia mli nikasemɔi ashishijee yɛ klɛŋklɛŋ Hɔɔ ni yɔɔ May mli lɛ nɔ

“Nɔ kome ni yɔɔ wɔ fɛɛ wɔhe ji akɛ wɔ fɛɛ wɔtɔ̃ɔ. Ani osusu he pɛŋ kɛji Nyɔŋmɔ baanyɛ ekɛ tɔ̃mɔi ni mli wa waa ake?” [Ŋmɛɛ gbɛ ni eha hetoo.] Okɛ sane ni yɔɔ May 1 Buu-Mɔɔ lɛ baafa 15 lɛ atsɔɔ lɛ, ni okɛ lɛ asusu sane ni yɔɔ klɛŋklɛŋ sanebimɔ lɛ shishi lɛ he, ni nyɛkane kɛ́ hooo lɛ ŋmalɛi ni yɔɔ jɛmɛ lɛ ateŋ ekome. Okɛ woji tɛtrɛbii lɛ aha lɛ, koni okɛ lɛ ato be ni obaaku osɛɛ okɛ lɛ ayasusu sanebimɔ ni nyiɛ sɛɛ lɛ he.

Buu-Mɔɔ May 1

“Wɔbaasumɔ ni wɔle ojwɛŋmɔ yɛ nɔ ni ŋmalɛ nɛɛ kɛɔ lɛ he. [Kanemɔ 1 Yohane 4:8.] Mɛi babaoo kpɛlɛɔ wiemɔi nɛɛ anɔ, shi mɛi komɛi susuɔ akɛ Nyɔŋmɔ yitsoŋ wa akɛni ehaa adebɔɔ naa osharai baa, loo kɛ́ hooo lɛ eŋmɛɔ gbɛ ni ebaa lɛ hewɔ. Te osusuɔ tɛŋŋ? [Ŋmɛɛ gbɛ ni eha hetoo.] Wolo tɛtrɛɛ nɛɛ wieɔ gbɛi ni nilee yɔɔ mli ni tsɔɔ nɔ hewɔ ni esaaa akɛ wɔkojoɔ Nyɔŋmɔ akɛ eyitsoŋ wa lɛ ahe.”

Awake! May

“Wɔmiisara wɔkutsoŋbii lɛ ní wɔkɛ amɛ agba naagba ko ni sũɔ mɛi atsui waa lɛ he sane—awuiyeli. Mɛi komɛi susuɔ akɛ nɔ ni esa akɛ afee kɛkũ awuiyeli naa ji ni aná polisifoi babaoo. Te osusuɔ tɛŋŋ? [Ŋmɛɛ gbɛ ni eha hetoo.] Ani ole akɛ Biblia lɛ ewo shi akɛ awuiyeli baaba naagbee? [Kanemɔ Lala 37:10, 11.] Wolo tɛtrɛɛ nɛɛ wieɔ shiwoi nɛɛ kɛ nibii diɛŋtsɛ ni wɔbaanyɛ wɔfee kɛbu wɔhe kɛjɛ awuiyeli he lɛ ahe.”