Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Oct. 1

“Mɛi ni le weku he nii jogbaŋŋ lɛ yɔseɔ gbɛnaanii ni he hiaa ni tsɛ lɛ tsuɔ he nii yɛ weku lɛ mli. Mɛni osusuɔ akɛ ehaa mɔ ko tsɔɔ tsɛ kpakpa? [Ŋmɛɛ gbɛ ni eha hetoo.] Yesu ma bɔ ni nɔkwɛmɔnɔ ni e-Tsɛ fee lɛ ye bua lɛ lɛ nɔ mi. [Kanemɔ Yohane 5:19.] Sane ni yɔɔ biɛ lɛ haa anaa nibii ekpaa ni he hiaa ni esa akɛ tsɛ atsu he nii.” Okɛ sane ni yɔɔ baafa 18 lɛ atsɔɔ lɛ.

Awake! Oct.

“Mɛi ni yɔɔ jamɔi srɔtoi amli lɛ hiɛ susumɔi srɔtoi yɛ bɔ ni Nyɔŋmɔ ji diɛŋtsɛ lɛ he. Shi te Nyɔŋmɔ Bi lɛ tsɔɔ akɛ Nyɔŋmɔ ji ha tɛŋŋ? Kadimɔ nɔ ni Yesu wie yɛ Yohane 4:24 lɛ. [Kanemɔ.] Sane ni yɔɔ biɛ lɛ gbálaa nɔ ni Biblia lɛ kɛɔ yɛ sanebimɔ ni ji, ‘Te Nyɔŋmɔ ji ha tɛŋŋ?’ lɛ mli yɛ baafai enyɔ pɛ mli.” Okɛ sane ni yɔɔ baafa 24 kɛ 25 lɛ atsɔɔ lɛ.

Buu-Mɔɔ Nov. 1

“Mɛi babaoo nyɛɛɛ ahé tsɔɔmɔ akɛ Nyɔŋmɔ ni yɔɔ suɔmɔ lɛ piŋɔ mɛi kɛyaa naanɔ lɛ amɛye. Te bo hu osusuɔ tɛŋŋ? [Ŋmɛɛ gbɛ ni eha hetoo.] Biblia lɛ tsɔɔ faŋŋ akɛ Nyɔŋmɔ yitsoŋ waaa ni etɔɔɔ owele. [Kanemɔ Ezekiel 18:23.] Obaanya bɔ ni Ŋmalɛ lɛ etsɔɔ sane nɛɛ mli eha yɛ wolo tɛtrɛɛ nɛɛ mli lɛ he.”

Awake! Nov.

“Mɛi babaoo nuɔ he akɛ kɛ́ mɔ ko hé gbɛi, ená nii, loo ená hegbɛ lɛ, etsɔɔ akɛ eye omanye. Te obaatsɔɔ omanyeyeli mli oha tɛŋŋ? [Ŋmɛɛ gbɛ ni eha hetoo.] Kadimɔ nɔ ni Biblia lɛ tsɔɔ akɛ no haa ayeɔ omanye. [Kanemɔ Lala 1:1-3.] Sane nɛɛ tsɔɔ nibii ekpaa ni haa ayeɔ omanye.” Okɛ sane ni jeɔ shishi yɛ baafa 6 lɛ atsɔɔ lɛ.