Mɛni Biblia Lɛ Kɛɔ?

Ani be ko baaba ni abaaye jalɛsane yɛ shikpɔŋ lɛ nɔ fɛɛ?

Mɛni obaakɛɛ?

• Hɛɛ

• Dabi

• Ekolɛ

Nɔ ni Biblia lɛ kɛɔ

“Mile akɛ Yehowa baafã mɛi ni bɛ nɔ ko mli lɛ ahe, ni eye jalɛ sane ehã ohiafoi.” (Lala 140:12, NWT) Nyɔŋmɔ Maŋtsɛyeli lɛ baahã aye jalɛsane yɛ shikpɔŋ lɛ nɔ fɛɛ.

Mɛni hu wɔkaseɔ kɛjɛɔ Biblia lɛ mli?

• Nyɔŋmɔ naa bɔ ni ayeee jalɛsane yɛ je lɛ mli ŋmɛnɛ lɛ, ni ebaatsu he nii.​—Jajelɔ 5:7.

• Jalɛsane ni Nyɔŋmɔ baaye lɛ baahã toiŋjɔlɛ kɛ shweshweeshwe shihilɛ ahi shikpɔŋ lɛ nɔ.​—Yesaia 32:16-18.

Ani Nyɔŋmɔ kɛ mɛi komɛi yeɔ jogbaŋŋ fe mɛi krokomɛi?

Mɛi komɛi heɔ yeɔ akɛ Nyɔŋmɔ ejɔɔ mɛi komɛi ni elomɔ mɛi krokomɛi, ni mɛi komɛi hu heɔ yeɔ akɛ Nyɔŋmɔ kɛ mɛi fɛɛ yeɔ pɛpɛɛpɛ. Te bo hu osusuɔ tɛŋŋ?

Nɔ ni Biblia lɛ kɛɔ

“Nyɔŋmɔ kwɛɛɛ mɛi ahiɛiaŋ, moŋ lɛ, yɛ jeŋmaŋ fɛɛ jeŋmaŋ mli lɛ, mɔ ni sheɔ lɛ gbeyei ni efeɔ nɔ ni ja lɛ, lɛ ji mɔ ni ekpɛlɛɔ enɔ.” (Bɔfoi 10:34, 35) Yɛ Nyɔŋmɔ hiɛ lɛ, mɔ ko efee mɔ ko.

Mɛni hu wɔkaseɔ kɛjɛɔ Biblia lɛ mli?

• “Sane kpakpa” yɛ Biblia lɛ mli kɛhã “jeŋmaŋ fɛɛ jeŋmaŋ kɛ weku fɛɛ weku, kɛ wiemɔ fɛɛ wiemɔ, kɛ gbɔmɛi srɔtoi fɛɛ.”—Kpojiemɔ 14:6.