Maŋtsɛyeli Shiɛlɔi Bɔ Amaniɛ

Maŋtsɛ Ko Wie

EWOƆ HEWALƐ akɛ aaayoo akɛ gbɔmɛi yɛ gbɛhei ni kwɔlɔ yɛ je nɛŋ lolo ni sumɔɔ anɔkwayeli kɛ jalɛsaneyeli ni wieɔ kɛtsɔɔ akɛ amɛfiɔ sui nɛɛ asɛɛ. Akɛ nɔkwɛmɔ nɔ lɛ, maŋtsɛ ko yɛ Afrika maŋ ko nɔ ni atsi Yehowa Odasefoi anitsumɔ naa yɛ jɛmɛ. Ha amaniɛbɔɔ lɛ agba wɔ:

“Nyɛsɛɛ nɛɛ nɔŋŋ ni jamɔŋ kui sɔrɔtoi fee ekome ni akɛfee kpee ko yɛ wɔmaŋ lɛ mli, ni mɛi ni fata jamɔ kui Iɛ ahe ji Katolekbii, Presbiterianbii, Pentekoste jamɔ mli bii kɛ mɛi krokomɛi. Afɔ nine atsɛ maŋ lɛ mli Maŋtsɛ Iɛ koni ebawie etsɔɔ kpee lɛ yɛ be mli ni kpee Iɛ baa naagbee Iɛ. Kpee muu lɛ fɛɛ naakpɛ amɛhe beni ekɛɛ amɛ kɛfata saji krokomɛi ahe akɛ amɛkase Yehowa Odasefoi anɔkwayeli kɛ amɛjeŋba ni nɔkwɔlɔ lɛ ni ekɛfata he akɛ kɛji akɛ amɛ fɛɛ amɛtamɔ Yehowa Odasefoi lɛ, kulɛ, toiŋjɔlɛ baaba maŋ lɛ mli.

Enɔjetsɛremɔ lɛ, sɔlemɔ ni ba kpee lɛ shishi lɛ ateŋ onukpai lɛ ba maŋtsɛ lɛ maŋtsɛwe lɛ ni amɛmiite shi waa amɛmiiwɔ ewiemɔ ni ekɛjie Odasefoi ayi lɛ, ni amɛbi lɛ akɛ ani eleee akɛ agu amɛnitsumɔ Iɛ yɛ maŋ lɛ mli lo. Maŋtsɛ Iɛ ha hetoo akɛ ele shi ekɛɛ amɛ akɛ enaaa tɔmɔ ko yɛ Yehowa Odasefoi ahe. Etee nɔ ekɛɛ amɛ akɛ: ‘Afii abɔ ni mikɛye nɔ akɛ maŋtsɛ yɛ maŋ nɛɛ mli lɛ fɛɛ mli lɛ, akɛ Yehowa Odasefoi ateŋ mɔ ko bako mimaŋtsɛwe nɛɛ ni aafolɔ enaa akɛ efee efɔŋ shi yɛ gbɛ kroko nɔ lɛ, kɛ aja duade yɛ ŋmɔ ko mli lɛ, julɔ lɛ bafeɔ Katoleknyo. Kɛ aju yɛlɛ yɛ ŋmɔ ko mli lɛ, julɔ lɛ bafeɔ Presbiteriannyo. Nyɛsɔlemɔ lɛ mli bii efite mishikpɔŋ nɛɛ nɔ kɛ musufitemɔ, ni kɛlɛ anako Yehowa Odasefoi ateŋ mɔ ko ni akɛlɛ eba mimaŋtsɛwe nɛɛ akɛ etɔ tɔmɔi nɛɛ eko. Ani Nyɔŋmɔ mlai lɛ eguuu efɔŋfeemɔi ni tamɔ nɛkɛ aloo sɔlemɔi Iɛ yeee Nyɔŋmɔ mla nɔ dɔŋŋ?’ Osɔfoi Iɛ bɛ hetoo ko.

“Yɛ sɛɛ mli lɛ, Maŋtsɛ Iɛ tsu ayatsɛ Yehowa Odasefoi lɛ anajiaŋdamɔlɔi komɛi ni ewoamɛ ŋaa akɛ amɛkwɛ amɛhe nɔ jogbaŋŋ, bɔni afee ni amɛkɛ ahorabɔɔ ko akaba Nyɔŋmɔ ni amɛjaa lɛ lɛ gbɛi lɛ nɔ kɛ agbɛnɛ yɛ Maŋtsɛ Iɛ diɛŋtsɛ hu ni efi Yehowa Odasefoi asɛɛ Iɛ gbɛi nɔ.”

Amaniɛbɔɔ lɛ tsɔɔ akɛ amrɔ nɛɛ mɛi heei pii kɛ amɛhe miibɔ anɔkwale lɛ he. Odasefonyo ko jaje akɛ nyɛsɛɛ nɛɛ enyɛ ekɛ maŋtsɛmɛi etɛ ko ni yɔɔ heni maŋtsɛ nɛɛ yɔɔ eje nikasemɔ shishi, ni amɛteŋ mɔ kome ji maŋ lɛ mli Maŋtsɛ Iɛ diɛŋtsɛ lɛ, ni mɛi etɛ lɛ fɛɛ miiba Yehowa Odasefoi akpeei!

Yehowa Nyɔŋmɔ le mɛi ni sumɔɔ anɔkwale lɛ ni sumɔɔ jalɛsaneyeli ni wieɔ amɛhaa etsuji lɛ.​—Mateo 10:⁠42.

[Baafa 31]May Daa Gbi Ŋmalɛ

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)