Sanebimɔi ni jɛ Kanelɔi Adɛŋ

◼ Mɛni feɔ “amaga kpeteŋkple” lɛ “naji” kɛ “nanewaobii” ni yɔɔ Daniel 2:​31-45 lɛ he mfoniri?

Mɔ ni kɛ gbalɛ nɛɛ ha lɛ ji “Mɔ ni jieɔ teemɔsaji ashi” lɛ. Nuŋtsɔ Maŋtsɛ Yehowa Nyɔŋmɔ diɛŋtsɛ, ni ehaa enaagbee yɛ “naagbee gbii lɛ amli,” heni abaana je muu fɛɛ he sane ni ka shi lɛ naa kwraa nyɔŋlo lɛ. (Daniel 2:​28, NW) Kɛjɛ “jeŋmaji abei” lɛ shishijee yɛ 607 D.Ŋ.B. kɛbashi wɔgbii nɛɛ amli lɛ, jeŋ hewalɛi sɔrɔtoi etsara nɔ kɛba, nɔ ni je shishi kɛ Babilonia, kɛkɛ ni Media kɛ Persia, Hela, Roma kɛ Ŋleshi kɛ Amerika maŋtsɛyelii Iɛ. Mɛnɛɛmɛi damɔ shi kɛha amaga lɛ fa ni ji dadei lɛ.​—Luka 21:⁠24.

Shi heni Jeŋmaji Abei lɛ ba naagbee yɛ 1914 pɛ kɛkɛ ni adesai anɔyelii sɔrɔtoi pue yɛ shikpɔŋ nɛɛ nɔ. (Mateo 24:​3-12) “Gbɔmɛi aseshibii” ni jɛ su mli lɛ naa hewalɛ waa yɛ gbɔmɛi amaŋtsɛyelii amli. Kwasafo kɛ demokrase nɔyelii epue, kɛ yiwalɛ nɔyelii ni tamɔ dadei ni nyɛɛɔ mɛi anɔ. Amɛtamɔ “dade ni su ni akpɔtɔ futu mli” ni feɔ amaga lɛ naji lɛ enanewaobii lɛ.

Atsɔɔ jwɛŋmɔi sɔrɔtoi yɛ “enanewaobii” lɛ ahe. Shi akɛni akɛ “nyɔŋma” damɔɔ shi ahaa emuuyeli yɛ Biblia lɛ mli hewɔ lɛ, edamɔ shi kɛya je muu fɛ nɔyeli gbɛjianɔtoo yɛ naagbee gbii lɛ amli. Amaga lɛ naji kɛ enanewaobii lɛ tsɔɔ ‘Nyɔŋmɔ Maŋtsɛyeli lɛ baa’ koni ebajwara adesai amaŋtsɛyelii ni ejie ehe kpo nɛɛ tamɔ mlu. Kwɛ miishɛɛ ni wɔyɔɔ akɛ yɛ no sɛɛ lɛ Kristo Maŋtsɛyeli lɛ baaha toiŋjɔlɛ akpele shikpɔŋ muu lɛ fɛɛ nɔ!​—Mateo 6:​9, 10; Okɛto Yesaia 11:​1, 9 he.

Nebukadnezar lamɔi krokomɛi ni atsɔɔ mli yɛ Daniel yitso 4 lɛ hu tsɔɔ saji ni baaba yɛ Jeŋmaji Abei lɛ naagbee lɛ sɛɛ. Yɛ naagbee lɛ gbɔmɛi fɛɛ baale akɛ “Mɔ ni yɔɔ ŋwɛi shɔŋŋ lɛ yɛ hewalɛ yɛ gbɔmɛi amaŋtsɛyeli nɔ, ni eŋɔhaa mɔ fɛɛ mɔ ni esumɔɔ,” ni ji akɛ, ekɛhaa Maŋtsɛ Yesu Kristo.​—Daniel 4:​25; 7 :​13, 14.

OCTOBER Daa Gbi Ŋmalɛ

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)