Mɛni Hewɔ Awieɔ HARMAGEDOM He Babaoo Nɛkɛ?

“HARMAGEDON”​—Mɛni ji nɔ ni nɛkɛ Biblia mli gbɛi nɛɛ tsɔɔ? Aakala sane nɛɛ mli tsɔɔmɔ yɛ Buu-Mɔɔ lɛ mli yɛ nɔ ni baaje kpo yɛ January kɛ February 1985 nɔ lɛ amli, ni woji nɛɛ ahehaanɔ̃ ni tsɔɔ nɔ ko pɔtɛɛ lɛ kpaa wiemɔi Iɛ ahiɛ yɛ be fɛɛ mli. Wɔyɛ hiɛnɔkamɔ akɛ Ŋmalɛi nɛɛ ahe susumɔ kɛ nɔ ni HARMAGEDON ji diɛŋtsɛ Iɛ he nilee baaha bo koni no ashɛje omii.

“Ole sane ko, Mikaiɔ nyɛ blema gbalɔi ni yɔɔ Kpaŋmɔ Momo lɛ mli lɛ kɛ okadii ni tsɔɔ akɛ Harmagedon miiba lɛ, ni misusuɔ akɛ ani-ani wɔji yinɔ ni baana nɔ ni baa nɛɛ lo.”​—Ronald W. Reagan, U.S. Amerika Maŋnɔkwɛlɔ Nukpa, October 18, 1983.

“Ŋmɛnɛ: Kpojiemɔ lɛ jeee Biblia mli sane mlitsɔɔmɔ ko kɛkɛ, shi moŋ efee nɔ ni baanyɛ aba diɛŋtsɛ. Be ko bako yɛ adesa niiashikpamɔ mli ni akɛ wɔ ewo oshara kɛ yibaamɔ gbɛ fintɔŋŋ lɛ mli nɛkɛ da.”​—Javier Perez de Cuellar, Jeŋmaji Ekomefeemɔ woloŋmalɔ-nukpa, June 8, 1982.

“HARMAGEDON” ebatsɔ sane ko ni awieɔ he yɛ je lɛŋ. Anuɔ wiemɔ ni woɔ mɔ he gbeyei nɛɛ he shii abɔ agbɛnɛ yɛ osɔfoi, maŋkwralɔi, maŋnɔkwɛlɔi, tatsɛmɛi jeŋ nilelɔ kɛ shikahelɛtelɔi anaa yɛ be babaoo mli agbɛnɛ. Anaa wiemɔ, Harmagedon, nɛɛ, yɛ U.S. Amerika woji agbɛ́i aaafee 15 ni abɔi hɔɔmɔ yɛ 1983 lɛ amli. Ebafee sane ni aaŋmala woji pii yɛ he agbɛnɛ ni áhɔ̃ɔ ekomekomei akpekpei komɛi momo po.

Ebaatamɔ sane ni yɔɔ naakpɛɛ akɛ nɛkɛ wiemɔ nɛɛ aaahe gbɛi babaoo nɛkɛ, ejaakɛ atsi wiemɔ ni ji Harmagedon nɛɛ ta klɛŋklɛŋ kwraa yɛ Biblia lɛ mli​—ni shikome pɛ akɛtsu. (Kpojiemɔ 16:16) Ni kɛlɛ jeee osɔfoi lɛ pɛ kɛ nɛkɛ wiemɔ nɛɛ tsuɔ nii. Yɛ afi 1800 afii lɛ amli aje shishi ákɛ akɛ wiemɔ ni ji Harmagedon nɛɛ aaatsu nii yɛ gbɛ ni kɔɔɔ Biblia lɛ he lɛ nɔ. Shi kɛlɛ, afi 1900 afii lɛ shishijee mli dani “Harmagedon” bafee no ni akɛtoɔ “hiɛkpatamɔ wulu ko” aloo “naagbee tawuu” ko he.

Kɛjɛ nakai be lɛ mli kɛbaa nɛɛ wiemɔ, Harmagedon, lɛ ebote gbɔmɛi sɔrɔtoi akui sɔrɔtoi amli fiofio, ni mɔ fɛɛ mɔ kɛ shishiumɔ ko ni esumɔɔ haa wiemɔ nɛɛ. Afi 1912 mli, yɛ be mli ni Theodore Roosevelt faa ta ko ni etsɔ mɛi ayiŋ ni ehala lɛ ekoŋŋ akɛ U.S. Amerika maŋnɔkwɛlɔ lɛ mli ni etsɔmɔ wiemɔ lɛ ekɛwo maŋkwramɔ mli. Epupuu ehe akɛ: “Wɔkɛ tsui ni yɔɔ shiŋŋ kɛ hiŋmɛi ni nɔ woko duŋ damɔ Harmagedon wɔmiiwuu wɔha Nuŋtsɔ lɛ.” Roosevelt yeee omanye yɛ nakai maŋkwramɔŋ tawuu ní ahala lɛ ekoŋŋ lɛ mli.

Yɛ gbii nɛɛ amli lɛ, mɛi ni woɔ je lɛ he gbeyei lɛ ji mɛi ni wieɔ babaoo yɛ Harmagedon he akɛ: nuklea ta ni akɛbaakpata je muu fɛɛ hiɛ, nuklea fɛibe kakadaŋŋ ko ni jɛ nuklea okpɛlɛmii ni yɔɔ gbeyei ni abaafɛlɛ hewɔ, ta kpeteŋkpele yɛ Boka Teŋgbɛ, aloo jeŋ shikahelɛtemɔ he shishitoo lɛ ni baakumɔ ashwie shi trukaa. No hewɔ lɛ wiemɔ, Harmagedon lɛ miipue po yɛ hei komɛi ni akpaaa gbɛ ŋmɛnɛ.

◆ Japan shwɛmɔ ko ni akɛfee sini lɛ gbɛi ji “Harmagedon yɛ Kichijoji” ni etsɔɔ ekpakpa kɛ efɔŋ ni miiwuu ta kɛmiigbe naa kwraa.

◆ Ŋulami ko ni yɔɔ lei ni akɛɛ ebɔleɔ hulu lɛ he ni akpaa gbɛ akɛ ebaapue yɛ 1986 ni atsɛɔ lɛ Halley’s Comet lɛ ha Frankfurter Neue Presse ni ji adafitswaa wolo lɛ kɛɛ akɛ “ebaanyɛ efee kɔkɔbɔɔ ni tsɔɔ Harmagedon hiɛ” hu, yɛ apasa hemɔkɛyeli ni amɛyɔɔ lɛ hewɔ.

Shi enɛɛmɛi nɛɛ eko kwraa jeee Harmagedon Iɛ. Ŋmɛnɛ, aanu gbee kroko ni miijaje Harmagedon​—no ni mijije waa kɛmiiya ŋwɛi ni gbɔmɛi fe akpekpei enyɔ kɛ fã jajeɔ. Ani ónu enɛ he? Kɛ obo gbee nɛɛ toi lɛ, jeee nɔ ni Harmagedon jeee lɛ pɛ obaanyɛ ole, shi moŋ, nɔ ni he hiaa titri lɛ, nɔ ni eji diɛŋtsɛ Iɛ.