Helatsamɔ​—Nɔ Ni Nyɔŋmɔ Maŋtsɛyeli Lɛ Baafee Yɛ He

“Eyɛ mli akɛ awui ni COVID-19 yeɔ yɛ jeŋ fɛɛ lɛ naa eba shi moŋ nɛ, shi no etsɔɔɔ akɛ ejeee oshãra dɔŋŋ.. . . Wɔle akɛ bɔ fɛɛ bɔ ni fee lɛ, tsɛŋemɔ hela ko ni gbeɔ mɔ baaba ekoŋŋ​—no hewɔ lɛ, esa akɛ wɔsaa wɔhe wɔto.”​—Dr. Tedros Adhanom Ghebreyesus, onukpa yɛ World Health Organization, May 22, 2023.

Yɛ COVID-19 tsɛŋemɔ hela lɛ hewɔ lɛ, mɛi babaoo miina nɔ yɛ gbɔmɔtsoŋ kɛ jwɛŋmɔŋ fɛɛ. Ani nɔyelii kɛ helatsamɔ nitsumɔhei esaa amɛhe amɛto tsɛŋemɔ hela ni gbeɔ mɔ ni ekolɛ ebaaba wɔsɛɛ lɛ, ni amɛbaanyɛ amɛná tsabaa kɛhã helai ni yeɔ adesai bianɛ lɛ?

Biblia lɛ hãa wɔleɔ akɛ, nɔyeli ko yɛ ni baanyɛ ekɛ helatsamɔ ni he hiaa wɔ lɛ ahã wɔ. Ekɛɛ akɛ, ‘Nyɔŋmɔ ni yɔɔ ŋwɛi lɛ baato maŋtsɛyeli loo nɔyeli ko shishi.’ (Daniel 2:44) Yɛ nakai nɔyeli lɛ shishi lɛ, “mɔ ko ekɛŋ akɛ: ‘Mibɛ hewalɛ.’” (Yesaia 33:24) Mɔ fɛɛ mɔ baaná gbɔmɔtsoŋ hewalɛ kpakpa kɛ hewalɛ hu, ni ebaafee tamɔ be ni eji oblanyo loo oblayoo lɛ.​—Hiob 33:25.