Manahen—Hã Yehowa Sɔɔmɔ He Ahia Bo Tamɔ Lɛ

Manahen fata nyɛmimɛi ni nyiɛ hiɛ yɛ Antiokia asafo lɛ mli yɛ blema lɛ ahe. Ekɛ “kpokpaa nɔyelɔ Herode tee skul.” (Bɔf. 13:1) No hewɔ lɛ, ŋwanejee ko bɛ he akɛ, kɛ́ aawie skulyaa he lɛ, Manahen tee eko waa. Eeenyɛ efee hu akɛ, efɔlɔi hiɛ nɔ ko.

Yɛ weku mli ni Manahen jɛ kɛ skul ni etee lɛ fɛɛ sɛɛ lɛ, ekpɛ mli akɛ ekɛ ebe kɛ ehewalɛ fɛɛ baasɔmɔ Yehowa, ni agbɛnɛ hu, etsu nii waa yɛ asafo lɛ mli. Ekɛ skul ni etee kɛ mɛi wuji ni ele lɛ tsuuu nii koni ená he sɛɛ. Moŋ lɛ, etsu nii waa kɛye ebua enyɛmimɛi lɛ.

Manahen sane lɛ hãa wɔnaa akɛ, Yehowa sɔɔmɔ lɛ he miihia kwraa fe hegbɛi wuji ni wɔbaatao yɛ je lɛ mli. No hewɔ lɛ, esa akɛ wɔhã Yehowa sɔɔmɔ lɛ he ahia wɔ kwraa fe shika loo hegbɛi wuji ni wɔbaaná yɛ wɔshihilɛ mli tamɔ bɔ ni Manahen fee lɛ. (Mat. 6:33) Eyɛ mli akɛ skulyaa he miihia ni ehe yɛ sɛɛnamɔ moŋ, shi esaaa akɛ wɔhãa eheɔ wɔbe aahu akɛ wɔnyɛɛɛ wɔfee “nibii ni he hiaa waa,” tamɔ nibii ni wɔfeɔ kɛjáa Yehowa lɛ, dɔŋŋ.—Fip. 1:​9, 10.