MARCH 23-29
YESAIA 48-49
Lala 89 Kɛ Sɔlemɔ | Hiɛkpamɔ (Min. 1)
1. Kɛ́ Obo Yehowa Toi Jogbaŋŋ Lɛ Obaaná He Sɛɛ
(Min. 10)
Yehowa tsɔɔ ewebii lɛ anii (Yes 48:17; it “Tsɔɔlɔ, Nitsɔɔmɔ” kk. 2-mwbr)
Esa akɛ wɔkpɛ wɔyiŋ akɛ wɔbaabo Yehowa toi (Yes 48:18a; ijwbq sane ni ji 44 kk. 2-3)
Kɛkɛ lɛ, wɔtoiŋjɔlɛ lɛ baafee “tamɔ faa,” ni wɔjalɛ nifeemɔ lɛ baafee “tamɔ ŋshɔkei” (Yes 48:18b; lv 199 kk. 8)
WIEMƆ MLITSƆƆMƆ: Hebri wiemɔ ni atsɔɔ shishi yɛ Ga mli akɛ “toiŋjɔlɛ” lɛ baanyɛ atsɔɔ gbɔmɔtsoŋ hewalɛ kpakpa, shweshweeshwe shihilɛ, toiŋjɔlɛ ni anáa kɛ́ mɔ ko bɔ naanyo kpakpa loo ekɛ Yehowa bɔ naanyo kpaakpa. Ni ebaanyɛ etsɔɔ hu akɛ nɔ ko eye emuu.
2. Pɛimɔ Ŋmalɛi Lɛ Amli Jogbaŋŋ
(Min. 10)
Yes 49:8—Gbalɛ nɛɛ ba mli yɛ gbɛi srɔtoi etɛ nɔ. Tsɔɔmɔ mli. (ip-2 143-145 kk. 16-20)
Mɛɛ jwetrii oná yɛ otsi nɛɛ Biblia kanemɔ lɛ mli ni obaasumɔ ni owie he?
3. Biblia Kanemɔ
(Min. 4) Yes 48:9-20 (th nikasemɔ 11)
4. Kɛ́ Oyaaje Sanegbaa Shishi
(Min. 3) ODASE NI AYEƆ BE NI ANYIƐƐƐ SHIƐMƆ NƆ. Fɔ̃ɔ owekunyo ko ni ekpa shiɛmɔyaa lɛ nine ni ebabo wiemɔ krɛdɛɛ lɛ toi ni eba Kaimɔ lɛ hu. (lmd nikasemɔ 5 oti 3)
5. Kɛ́ Oyaatsa Nɔ
(Min. 4) ODASE NI AYEƆ BE NI ANYIƐƐƐ SHIƐMƆ NƆ. Mɔ lɛ miitao eya Kaimɔ lɛ eko, tsɔɔmɔ lɛ bɔ ni nibii baaya nɔ yɛ jɛmɛ. (lmd nikasemɔ 9 oti 3)
6. Kɛ́ Oyaatsa Nɔ
(Min. 5) ODASE NI AYEƆ BE NI ANYIƐƐƐ SHIƐMƆ NƆ. Akpa Kaimɔ lɛ, ni mɔ ko ni ba eko lɛ miibibii bo saji. Hã lɛ hetoo. (lmd nikasemɔ 8 oti 3)
Lala 107
7. Nibii Ni Obaanyɛ Ofee Kɛsaa Ohe Oto Gbi Ni He Hiaa Fe Fɛɛ Yɛ Afi Lɛ Mli
(Min. 15) Sanegbaa.
Daa afi kɛ́ wɔtee Kaimɔ lɛ, no tsɔɔ akɛ wɔbo Yesu famɔ lɛ toi ni wɔhiɛ sɔɔ kpɔmɔnɔ ni Yehowa kɛdro wɔ lɛ. (Luk 22:19) Eji be hu ni wɔkɛsusuɔ bɔ ni Yehowa kɛ e-Bi lɛ sumɔɔ wɔ waa lɛ he. (Gal 2:20; 1Yo 4:9, 10) Mɛni wɔbaanyɛ wɔfee kɛsaa wɔtsui wɔto Kaimɔ lɛ, ni wɔtsɔɔ hu akɛ wɔhiɛ sɔɔ nɔ ni Yehowa efee ehã wɔ lɛ? Te wɔbaafee tɛŋŋ wɔye wɔbua mɛi ni nyaa sane lɛ he lɛ, ni amɛ hu amɛfee nakai?
Daa gbi lɛ, kanemɔ ŋmalɛi ni ato kɛhã Kaimɔ lɛ ni ojwɛŋ nɔ
Jwɛŋmɔ kpɔmɔnɔ lɛ nɔ, ni osusu bɔ ni obaafee ohi shi kɛtsɔɔ akɛ ohiɛ sɔɔ kpɔmɔnɔ lɛ
Feemɔ bɔ fɛɛ bɔ ni obaanyɛ ni ofɔ̃ owekumɛi, mɛi ni ole, kɛ mɛi ni yɔɔ nyɛshikpɔŋkuku lɛ mli lɛ nine kɛhã wiemɔ krɛdɛɛ lɛ kɛ Kaimɔ lɛ
Heremɔ mɛi ni afɔ̃ amɛnine ni amɛba Kaimɔ lɛ kɛ miishɛɛ, ni okɛ amɛ agba sane. Ekã shi faŋŋ akɛ okɛ ojwɛŋmɔ baaya mɛi ni bo diɛŋtsɛ ofɔ̃ amɛ nine ni amɛba lɛ nɔ waa, shi saamɔ ohe oto ni oye obua mɛi krokomɛi ni afɔ̃ amɛnine ni amɛba Kaimɔ lɛ hu. Obaanyɛ ohã amɛbata omasɛi po
Ná deka ohã gbɔi ni eba lɛ, ni ohã amɛsanebimɔi lɛ hetoo
Esa akɛ ohã ohiɛ ahi ohe nɔ ni ohere mɛi ni ekpa shiɛmɔyaa ni baaba lɛ. Esa akɛ asafoŋ onukpai lɛ titri ahã amɛhiɛ ahi amɛhe nɔ ni amɛhere mɛi ni ajie amɛ kɛje asafo lɛ mli lɛ
Jiemɔ VIDIO nɛɛ: Yesu “Ba Nɔ ni Elaaje lɛ Taomɔ kɛ Eyiwalaheremɔ.” No sɛɛ lɛ bi toibolɔi lɛ akɛ:
Mɛni hewɔ esa akɛ wɔhere mɛi ni ekpa asafoŋ kpeeiyaa kɛ shiɛmɔyaa lɛ hiɛmɛɛ kɛ́ amɛba Kaimɔ lɛ?
8. Asafoŋ Biblia Nikasemɔ
(Min. 30) lfb nikasemɔ 72-73