Oyi Aná Wala Kɛya Naanɔ! Wolo Lɛ Mli Nibii Ni Baanyɛ Awa Wɔ

Ani onyaa vidioi ni yɔɔ Oyi Aná Wala Kɛya Naanɔ! wolo lɛ mli lɛ kɛ emli sanebimɔi ni hãa mɔ tsɔɔ ejwɛŋmɔ lɛ ahe? Ni “Mɛi Komɛi Kɛɔ Akɛ,” “Nɔ Ni Obaanyɛ Ofee,” kɛ “Ehe Saji Krokomɛi” lɛ hu? Mɛɛ nibii krokomɛi yɔɔ mli ni baanyɛ awa bo be ni ofeɔ Biblia mli nikasemɔ lɛ?​—Mat 28:19, 20.

Media: Kɛ́ oosumɔ ni okɛ nɔ ni aprinti lɛ atsu nii be ni ofeɔ Biblia mli nikasemɔ lɛ, nɛgbɛ obaanyɛ ona vidioi, rikɔɔdiŋ, kɛ woji krokomɛi ni atsɛ yisɛɛ yɛ mli lɛ fɛɛ yɛ? Kɛ́ ogbele ilɛtrɔnik nɔ lɛ, halamɔ fãi titrii ejwɛ lɛ ateŋ ekome. Obaana media kɛhã fã ni ohala lɛ yɛ saneyitsei ni yɔɔ jɛi lɛ ashishi kwraa. (Kwɛmɔ mfoniri 1.)

“Printed Edition”: Kɛ́ okɛ mɔ ko miikase nii ni okɛ ilɛtrɔnik tsɔne miitsu nii lɛ, kɛ́ ashɛ nikasemɔ lɛ fãi komɛi lɛ, ekolɛ, obaasumɔ ni otsake kɛya “Printed Edition.” Be ni ogbele nikasemɔ lɛ, nyɛɛ kpɔbii etɛ ni yɔɔ ŋwɛigbɛ kwraa yɛ ninejurɔgbɛ lɛ nɔ, ni ohala “Printed Edition.” “Printed Edition” lɛ baawa bo ni ohiɛ ahi bɔ ni fã ni nyɛshɛ nɔ lɛ kɔɔ nikasemɔ lɛ saneyitso lɛ he ehãa lɛ nɔ. Kɛ́ ootao oku osɛɛ kɛya “Digital Edition” lɛ, nyɛɛ kpɔbii etɛ lɛ nɔ ekoŋŋ ni ohala “Digital Edition.”

“Ani Mishɛ?”: Akrabatsai nɛɛ ni yɔɔ wolo lɛ naagbeegbɛ lɛ tsɔɔ taomɔ nii ni esa akɛ mɔ ashɛ he dani enyɛ ekɛ asafo lɛ afee ekome kɛshiɛ, kɛ agbɛnɛ hu, dani anyɛ abaptisi lɛ. (Kwɛmɔ mfoniri 2.)

Saji Krokomɛi: Saji Krokomɛi lɛ gbálaa saji komɛi ni he hiaa lɛ amli. Yɛ ilɛtrɔniki nɔ lɛ mli lɛ, obaana link yɛ saji krokomɛi lɛ eko fɛɛ eko naagbee ni kɛ bo baaya he ni oshɛ yɛ nikasemɔ lɛ mli lɛ. (Kwɛmɔ mfoniri 2.)