Kudɔmɔ Nibii Ni Oshweɔ Lɛ

Akɛni wɔyeee emuu hewɔ lɛ, esa akɛ wɔya nɔ wɔkudɔ nibii ni wɔshweɔ lɛ. Kɛ́ wɔkudɔɔɔ nibii ni wɔshweɔ lɛ, no lɛ, wɔbaanyɛ wɔfite wɔ kɛ Yehowa teŋ. Akɛ nɔkwɛmɔnɔ lɛ, mɛi komɛi sumɔɔ niyenii, atade, kɛ wɔɔhe fe Nyɔŋmɔ. Mɛi komɛi hu kuɔ Nyɔŋmɔ mlai lɛ amli koni amɛkɛgbe amɛbɔlɛnamɔ akɔnɔi. (Ro 1:26, 27) Ni mɛi komɛi nyiɛɔ mɛi pii asɛɛ kɛyafeɔ efɔŋ bɔ ni afee ni mɛi asumɔ amɛsane.​—2Mo 23:2.

Te wɔɔfee tɛŋŋ wɔkudɔ nibii ni wɔshweɔ lɛ? Esa akɛ wɔbɔ mɔdɛŋ waa ni wɔkɛ wɔjwɛŋmɔ ama nibii ni Yehowa nyaa he lɛ anɔ. (Mat 4:4) Agbɛnɛ hu, esa akɛ wɔkpa Yehowa fai ni ewa wɔ ni wɔkudɔ nibii ni wɔshweɔ lɛ. Mɛni hewɔ? Ejaakɛ ele nɔ ni hi kɛhã wɔ, ni ele bɔ ni eeefee ehã wɔnine ashɛ nibii ni sa ni wɔshweɔ lɛ anɔ.​—La 145:16.

KWƐMƆ VIDIO NI JI, KAASHƐRE ZIGARETI EBAANYƐ EGBE BO LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• 

  Mɛni hewɔ mɛi komɛi shɛreɔ zigareti?

• 

  Mɛni zigareti shɛremɔ baanyɛ afee bo?

• 

  Mɛni hewɔ zigareti loo ilɛtrɔnik zigareti shɛremɔ ehiii lɛ?​—2Ko 7:1

• 

  Mɛni obaanyɛ ofee koni okashɛre zigareti loo okpa shɛremɔ?