Nibii Etɛ Ni Mɛi Ni Kɛ Amɛhiɛ Fɔ̃ɔ Yehowa Nɔ Lɛ Feɔ

David ye Goliat nɔ kunim, ejaakɛ ekɛ ehiɛ fɔ̃ Yehowa nɔ. (1Sa 17:45) Yehowa miisumɔ ni ekɛ ehewalɛ lɛ aye abua etsuji fɛɛ. (2Kr 16:9) Mɛni kɛ́ wɔfeɔ lɛ no baatsɔɔ akɛ wɔkɛ wɔhiɛ fɔ̃ɔ Yehowa nɔ, moŋ fe niiashikpamɔi kɛ hesai ni wɔyɔɔ? Naa nibii etɛ ni baatsɔɔ nakai:

• Fɔɔ sɔlemɔ. Kaasɔle koni akɛ otɔmɔi ake bo kɛkɛ, shi sɔlemɔ hu ni ahã bo hewalɛ ni baahã onyɛ oye kaa ni baanyɛ ahã ofee efɔŋ lɛ nɔ. (Mat 6:12, 13) Kaasɔle koni Yehowa ajɔɔ yiŋ srɔtoi ni okpɛ momo lɛ anɔ kɛkɛ, shi sɔlemɔ hu ni etsɔɔ bo gbɛ ni ehã bo nilee dani okpɛ yiŋ.​—Yak 1:5

• Fɔɔ Biblia lɛ kanemɔ kɛ ekasemɔ. Kanemɔ Biblia lɛ daa gbi. (La 1:2) Hemɔ be kɛjwɛŋ saji ni yɔɔ Biblia lɛ mli lɛ anɔ, ni okɛ nibii ni okase yɛ mli lɛ atsu nii. (Yak 1:23-25) Saamɔ ohe kɛhã shiɛmɔ nitsumɔ lɛ, moŋ fe ni okɛ ohiɛ baafɔ̃ nibii ni ole momo lɛ anɔ. Kasemɔ nii dani oya asafoŋ kpeei koni oná kpeei lɛ ahe sɛɛ jogbaŋŋ

• Okɛ Yehowa asafo lɛ anyiɛ pɛpɛɛpɛ. Bɔɔ mɔdɛŋ ni ole gbɛtsɔɔmɔ hee ni asafo lɛ kɛhã lɛ ni okɛtsu nii oya nɔŋŋ. (4Mo 9:17) Kɛ́ asafoŋ onukpai lɛ kɛ ŋaawoo loo gbɛtsɔɔmɔ ko hã lɛ, bo toi.​—Heb 13:17

KWƐMƆ VIDIO NI JI, NƆ HEWƆ NI ESAAA AKƐ WƆSHEƆ YIWAA GBEYEI LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• Mɛni kɛ mɛni nyɛmimɛi lɛ she he gbeyei?

• Mɛni wa amɛ ni amɛnyɛ amɛye amɛgbeyeishemɔ lɛ nɔ?