Okɛ Yehowa Ama Ohiɛ Daa

Kɛ́ wɔnáaa nitsumɔ lɛ, ekolɛ, ebaawa kɛhã wɔ akɛ wɔbaaya nɔ wɔkɛ Nyɔŋmɔ Maŋtsɛyeli lɛ kɛ ejalɛ lɛ aye klɛŋklɛŋ gbɛhe yɛ wɔshihilɛ mli. Ekolɛ, wɔtsui baatsirɛ wɔ ni wɔtsu nitsumɔ ko ni hãŋ wɔkɛ wɔtsui fɛɛ asɔmɔ Yehowa, loo wɔhi shi yɛ Biblia mli shishitoo mlai anaa. Shi, wɔbaanyɛ wɔhe wɔye waa akɛ, Yehowa kɛ ehewalɛ lɛ ‘baaye abua mɛi ni kɛ amɛtsui fɛɛ ehã lɛ lɛ.’ (2Kr 16:9) Wɔ-Tsɛ ni yɔɔ suɔmɔ lɛ baawa wɔ, ni ebaahã wɔ nɔ ni he hiaa wɔ hu, ni nɔ ko nɔ ko nyɛŋ atsĩ enaa. (Ro 8:32) No hewɔ lɛ, kɛ́ wɔmiikpɛ yiŋ yɛ nitsumɔ he lɛ, esa akɛ wɔhe Yehowa wɔye, ni wɔkɛ esɔɔmɔ lɛ aye klɛŋklɛŋ gbɛhe yɛ wɔshihilɛ mli.​—La 16:8.

KWƐMƆ VIDIO NI JI, OKƐ OSUSUMA MUU FƐƐ ASƆMƆ YEHOWA LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• 

  Mɛni hewɔ Jason heee bribe loo nyɔɔŋnii lɛ?

• 

  Mɛɛ gbɛ nɔ wɔbaanyɛ wɔkɛ Kolosebii 3:23 lɛ atsu nii?

• 

  Mɛɛ gbɛ nɔ Jason nɔkwɛmɔnɔ kpakpa lɛ, ná Thomas nɔ hewalɛ?

• 

  Mɛɛ gbɛ nɔ wɔbaanyɛ wɔkɛ Mateo 6:22 lɛ atsu nii?