Ani Ogbãla Lɛ Baanyɛ Asɔ?

Abraham kɛ Sara yɛ suɔmɔ kɛ bulɛ kɛhã amɛhe, ni enɛ ji nɔkwɛmɔnɔ kpakpa kɛhã wumɛi kɛ ŋamɛi. (1Mo 12:11-13; 1Pe 3:6) Shi amɛgbalashihilɛ lɛ yeee emuu, ni amɛkɛ naagbai kpe. Mɛni wumɛi kɛ ŋamɛi baanyɛ akase yɛ Abraham kɛ Sara nɔkwɛmɔnɔ lɛ mli?

Hã ohefatalɔ lɛ ale osusumɔi kɛ bɔ ni onuɔ he ohãa. Kɛ́ nɔ ko miifee lɛ ahuntoo loo ehao ni ewie nɔ ko ni gba onaa lɛ, okɛ naajɔlɛ ajie lɛ naa. (1Mo 16:5, 6) Nyɛtoa be ni nyɛkɛná nyɛhewɔ miishɛɛ yɛ be kɛ beiaŋ. Tsɔ owiemɔi kɛ onifeemɔi anɔ ohã ohefatalɔ lɛ ana akɛ osumɔɔ lɛ. Nɔ ni fe fɛɛ lɛ, kɛ́ nyɛfee ekome kɛkase nii, kɛsɔle, kɛjá Yehowa lɛ, ebaahi nyɛgbãla lɛ mli. (Jaj 4:12) Kɛ́ nibii miiya lɛ jogbaŋŋ yɛ gbalashihilɛ ko mli lɛ, ewoɔ Yehowa, gbɛjianɔ krɔŋkrɔŋ nɛɛ Shishitolɔ lɛ, hiɛ nyam.

KWƐMƆ VIDIO NI JI, BƆ NI OBAAFEE OHÃ WEKUKPAA NI YƆƆ BO KƐ OHEFATALƆ LƐ TEŊ LƐ MLI AWA LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

• Mɛɛ nibii komɛi wɔna yɛ vidio lɛ mli ni hã wɔna akɛ gbɛ miihe abakã Shaan kɛ Kiara teŋ?

• Mɛni hewɔ ehe hiaa waa akɛ mɔ baahã ehefatalɔ ale esusumɔi kɛ bɔ ni enuɔ he ehãa diɛŋtsɛ lɛ?

• Mɛɛ gbɛ nɔ Abraham kɛ Sara nɔkwɛmɔnɔ lɛ ye ebua Shaan kɛ Kiara?

• Mɛɛ nibii Shaan kɛ Kiara fee koni wekukpãa ni yɔɔ amɛteŋ lɛ mli awa?

• Mɛni hewɔ esaaa akɛ wu kɛ ŋa kpaa gbɛ akɛ amɛgbalashihilɛ lɛ baaye emuu lɛ?