Obaanyɛ Oye Omanye Yɛ ‘Ŋmei Ni Yɔɔ Oheloo Mli Lɛ’ Fɛɛ Sɛɛ!

Yɛ naagbee gbii ni mli shihilɛ wa nɛɛ amli lɛ, Nyɔŋmɔ webii fɛɛ kɛ naagbai ni tamɔ ŋmei miikpe. (2Ti 3:1) Te wɔɔfee tɛŋŋ wɔkɛ wɔhiɛ afɔ̃ Yehowa nɔ, ni wɔdamɔ naagbai nɛɛ anaa lɛ? Kwɛmɔ vidio ni ji, “Aaagbele Shwilafoi Ahiŋmɛii” lɛ, ni ona nɔ ni Talita Alnashi kɛ efɔlɔi efee, koni no sɛɛ lɛ ohã sanebimɔi ni nyiɛ sɛɛ lɛ ahetoo:

• Mɛni ji ‘ŋmei ni yɔɔ Talita heloo mli lɛ’?

• Mɛɛ Biblia mli shiwoi eye ebua Talita kɛ efɔlɔi lɛ ni amɛyeee amɛtsui tsɔ?

• Be ni afee Talita opireshɛŋ lɛ sɛɛ nɔŋŋ lɛ, mɛni efɔlɔi fee kɛtsɔɔ akɛ amɛkɛ amɛhiɛ fɔ̃ɔ Yehowa nɔ?

• Mɛɛ gbɛ nɔ Talita fɔlɔi kɛ asafo lɛ woji kɛ vidioi lɛ eye ebua lɛ ni esumɔ Nyɔŋmɔ?

• Yɛ ‘ŋmei ni yɔɔ Talita heloo mli lɛ’ fɛɛ sɛɛ lɛ, mɛni efee kɛtsɔɔ akɛ eeda yɛ mumɔŋ?

• Mɛni Talita niiashikpamɔ lɛ etsɔɔ bo?