Yesu Gbo Ehã Onyɛmi Lɛ Hu

Yesu kɛ ewala shã afɔle ehã adesai ni yeee emuu. (Ro 5:8) Ŋwanejee ko bɛ he akɛ, Yesu gbo ehã wɔ, ni ekɛtsɔɔ akɛ esumɔɔ wɔ, ni wɔhiɛ sɔɔ enɛ waa. Shi bei komɛi lɛ, ebaabi ni wɔkai wɔhe akɛ Kristo gbo ehã wɔnyɛmi lɛ hu. Te wɔɔfee tɛŋŋ wɔjie suɔmɔ ni tamɔ Kristo nɔ lɛ eko kpo wɔtsɔɔ wɔnyɛmimɛi ni yeee emuu tamɔ wɔ nɔŋŋ lɛ? Hã wɔkwɛ gbɛi etɛ. Klɛŋklɛŋ lɛ, wɔbaanyɛ wɔkɛ mɛi ni esoro amɛshihilɛ yɛ wɔ nɔ he lɛ hu abɔ naanyo. (Ro 15:7; 2Ko 6:12, 13) Nɔ ni ji enyɔ lɛ, wɔbaanyɛ wɔkwɛ jogbaŋŋ ni wɔkawie nɔ ko loo wɔfee nɔ ko ni baagba mɛi krokomɛi anaa. (Ro 14:13-15) Naagbee lɛ, kɛ́ mɔ ko fee esha eshi wɔ lɛ, wɔbaanyɛ wɔkɛke lɛ oya. (Luk 17:3, 4; 23:34) Kɛ́ wɔmia wɔhiɛ waa wɔkase Yesu yɛ gbɛi etɛ nɛɛ anɔ lɛ, Yehowa baajɔɔ asafo lɛ, ni toiŋjɔlɛ kɛ ekomefeemɔ baaya nɔ ahi mli.

KWƐMƆ VIDIO NI JI, YAA NƆ OFEE OHE KRISTOFONYO KPAKPA! LƐ, KONI NO SƐƐ LƐ OHÃ SANEBIMƆI NI NYIƐ SƐƐ LƐ AHETOO:

• 

  Shishijee lɛ, te Miki na esafo lɛ tɛŋŋ?

• 

  Mɛni hã etsake bɔ ni enuɔ he ehãa lɛ?

• 

  Mɛɛ gbɛ nɔ Yesu nɔkwɛmɔnɔ lɛ wa Miki ni etsake esusumɔ? (Mar 14:38)

• 

  Mɛɛ gbɛ nɔ Abɛi 19:11 lɛ baanyɛ aye abua wɔ ni wɔná nyɛmimɛi lɛ ahe jwɛŋmɔ ni ja?