Nyiɛmɔ Kristo Nanemaahei Lɛ Asɛɛ Kpaakpa

Yesu fee nɔkwɛmɔnɔ efɔ̃ shi ehã wɔ koni wɔkase lɛ, titri lɛ, be ni wɔkɛ kai miikpe loo be ni aawa wɔ yi. (1Pe 2:21-23) Be ni ajɛɔ Yesu lɛ, efeee mɔ ko nɔ ko etooo najiaŋ, eyɛ mli akɛ no mli lɛ, eena nɔ waa. (Mar 15:29-32) Mɛni ye ebua lɛ ni enyɛ efi shi? Etswa efai shi akɛ ebaafee Yehowa suɔmɔnaa nii. (Yoh 6:38) Agbɛnɛ hu, ekɛ ejwɛŋmɔ ma “miishɛɛ ni kã ehiɛ” lɛ nɔ.​—Heb 12:2.

Kɛ́ aawa wɔ yi yɛ wɔhemɔkɛyeli lɛ hewɔ lɛ, te esa akɛ wɔfee wɔnii wɔhã tɛŋŋ? Anɔkwa Kristofoi ‘kɛ efɔŋ etooo mɔ ko mɔ ko efɔŋ najiaŋ.’ (Ro 12:14, 17) Kɛ́ wɔkase bɔ ni Kristo fi shi be ni enaa nɔ lɛ, wɔbaanyɛ wɔná miishɛɛ, ejaakɛ wɔle akɛ Nyɔŋmɔ yɛ wɔhe miishɛɛ.​—Mat 5:10-12; 1Pe 4:12-14.

KWƐMƆ VIDIO NI JI, YEHOWA GBƐ́I LƐ HE YƐ SƐƐNAMƆ WAA LƐ, KONI NO SƐƐ LƐ, OHÃ SANEBIMƆI NI NYIƐ SƐƐ NƐƐ AHETOO:

• Mɛɛ gbɛ nɔ Nyɛmiyoo Pötzinger* kɛ ebe tsu nii jogbaŋŋ be ni awo lɛ pɛ tsuŋ lɛ?

• Mɛɛ naagbai Nyɛminuu kɛ Nyɛmiyoo Pötzinger kɛkpe be ni amɛyɔɔ yiwalɛ nsarai srɔtoi amli lɛ?

• Mɛni ye ebua amɛ ni amɛnyɛ amɛfi shi?