“Nɔ Hewɔ ni Miba Biɛ Ji Akɛ . . .”

Kɛ́ shiatsɛmɛi gbele amɛshinaai ni amɛna wɔ yɛ shinaa lɛ naa lɛ, ekolɛ amɛbaabi amɛhe akɛ, ‘Nɛgbɛ mɛi nɛɛ jɛ, ni mɛni amɛtaoɔ?’ Mɛni wɔbaanyɛ wɔkɛɛ kɛkpa wɔwiemɔ lɛ hiɛ koni eha amɛjwɛŋmɔ akã amɛ shi? Beni shiɛlɔi komɛi eŋa shiatsɛ lɛ sɛɛ lɛ, amɛkɛ wiemɔ ni ji “nɔ hewɔ” lɛ tsuɔ nii kɛtsɔɔ yiŋtoo hewɔ ni amɛba jɛmɛ lɛ mli. Akɛ nɔkwɛmɔnɔ lɛ, amɛbaanyɛ amɛkɛɛ akɛ: “Nɔ hewɔ ni wɔba nyɛŋɔɔ ji akɛ, akutso lɛ mli bii babaoo atsui miiye yɛ awuiyeli he. Ani osusuɔ akɛ . . .” aloo “Nɔ hewɔ ni miba biɛ ji akɛ, mikɛ mɛi kaseɔ Biblia lɛ ni miheee nɔ ko.” Kɛ́ oha shiatsɛ lɛ le nɔ hewɔ ni oba jɛmɛ lɛ dani okɛ lɛ bɔi sane lɛ gbaa lɛ, ebaasumɔ ni ebo nɔ ni oyɔɔ kɛɛmɔ lɛ toi.