Teokrase Sɔɔmɔ Skul lɛ Mlitĩi

Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi kɛjɛ August 26, 2013 lɛ mli. Akɛ be ni akɛbaasusu sanebimɔi lɛ eko fɛɛ eko he lɛ efata he koni eye ebua kɛha niiamlitaomɔ kɛ́ aasaa he kɛmiiha skul lɛ otsi fɛɛ otsi.

1. Mɛɛ nikasemɔ ko ni he hiaa wɔbaanyɛ wɔkase kɛjɛ bɔ ni Maŋtsɛ Herode jɛ etsuiŋ ekpɛlɛ gbɔmɛi ayijiemɔ kɛ anunyam ni esaaa ni akɛha lɛ lɛ nɔ lɛ mli? (Bɔf. 12:21-23) [July 1, w08 5/15 bf. 32 kk. 7]

2. Kɛ́ Kristofoi oblahii kɛ oblayei pɛi Timoteo nɔkwɛmɔnɔ lɛ mli ni amɛnyiɛ sɛɛ lɛ, mɛɛ gbɛ nɔ amɛbaaná he sɛɛ? (Bɔf. 16:1, 2) [July 8, w08 5/15 bf. 32 kk. 10]

3. Mɛɛ gbɛ nɔ Akwila kɛ Priskila jɛ amɛsuɔmɔ mli amɛye amɛbua Apolo beni amɛnu ni ekɛ ‘ekãa wie’ yɛ kpeehe ni yɔɔ Efeso lɛ? (Bɔf. 18:24-26) [July 15, w10 6/15 bf. 11 kk. 4]

4. Mɛɛ Ŋmalɛ naa nɔdaamɔ nɔ yɔɔ kɛha Yehowa Odasefoi ni amɛkɛ maŋ saneyelihei atsu nii kɛbu hegbɛ ni amɛyɔɔ akɛ amɛshiɛ lɛ he? (Bɔf. 25:10-12) [July 22, bt bf. 198 kk. 6]

5. Mɛɛ gbɛ nɔ bɔfo Paulo tee nɔ etao gbɛi anɔ ni eeetsɔ eye odase beni eyɔɔ tsuŋwoo mli po yɛ Roma lɛ, ni te Yehowa tsuji ni yɔɔ ŋmɛnɛ lɛ aaafee tɛŋŋ akase lɛ? (Bɔf. 28:17, 23, 30, 31) [July 29, bt bf. 215-217 kk. 19-23]

6. Mɛni hewɔ Biblia lɛ buɔ bɔlɛnamɔ ni yaa nɔ yɛ nuu kɛ nuu loo yoo kɛ yoo teŋ lɛ akɛ eji yakayaka nifeemɔ kɛ hiɛgbejianii lɛ? (Rom. 1:26, 27) [Aug. 5, g-E 1/12 bf. 28 kk. 7]

7. Te aaafee tɛŋŋ ni “kpɔmɔ ní yɔɔ Kristo Yesu mli” ni akɛha yɛ afi 33 Ŋ.B. lɛ aaanyɛ ajie “eshai ní afee sá lɛ”? (Rom. 3:24, 25) [Aug. 5, w08 6/15 bf. 29 kk. 6]

8. Mɛɛ gbɛjianɔ ni suɔmɔ yɔɔ mli Yehowa eto yɛ bei fɛɛ amli koni eye ebua wɔ kɛ wɔhao waa yɛ shihilɛ mli ni wɔlé nɔ tuuntu ni esa akɛ wɔsɔle yɛ he lɛ? (Rom. 8:26, 27) [Aug. 12, w08 6/15 bf. 30 kk. 10]

9. Mɛni ŋaawoo ni ji “nyɛbɔa gbɔfeemɔ he mɔdɛŋ” lɛ tsɔɔ? (Rom. 12:13) [Aug. 19, w09 10/15 bf. 5-6 kk. 12-13]

10. Yɛ ŋaa ni bɔfo Paulo wo lɛ naa lɛ, mɛɛ gbɛ nɔ wɔtsɔɔ ‘wɔwoɔ Nuŋtsɔ Yesu Kristo?’ (Rom. 13:14) [Aug. 26, w05 1/1 bf. 11-12 kk. 20-22]