Ani Okwɛɔ Adafitswaa Tao lɛ Nɔ Be Fɛɛ Be?

Asafoŋ onukpai, sɔɔlɔi, kɛ mɛi krokomɛi ni asafoŋ sɔ̃i jwere amɛnɔ lɛ kwɛɔ adafitswaa tao lɛ nɔ be fɛɛ be koni amɛkɛna be ni amɛyɔɔ nifeemɔ. Kɛlɛ, asafoŋbii lɛ fɛɛ baana saji ni he hiaa waa yɛ jɛmɛ. Ani ole be ni ebaashɛ nyɛnɔ kɛha Maŋtsɛyeli Asa lɛ nɔ saamɔ? Ani kpokpaa nɔkwɛlɔ lɛ loo nitsumɔhe nine lɛ kɛ wolo ko ni he hiaa emaje nyɛsafo lɛ? Ani ole maŋshiɛmɔ ni abaaha otsi nɛɛ lɛ saneyitso lɛ, bɔni afee ni onyɛ ofɔ̃ o-Biblia nikaselɔ lɛ nine? Ani afee tsakemɔi yɛ be ni nyɛkɛyaa asafoŋ kpee loo be ni nyɛshiɛmɔyaa kuu lɛ kɛkpeɔ lɛ mli? Atswaaa saji nɛɛ ateŋ babaoo he adafi yɛ asafoŋ kpeei ashishi dɔŋŋ, ni asafoŋ onukpai lɛ hu nyɛŋ akɛɛ shiɛlɔi lɛ fɛɛ ekomekomei. No hewɔ lɛ, esa akɛ wɔkwɛ adafitswaa tao lɛ nɔ be fɛɛ be. Kɛ́ wɔkwɛɔ adafitswaa tao lɛ nɔ be fɛɛ be lɛ, ebaaha wɔnyɛ wɔfee nii fɛɛ “bɔ ni yɔɔ fɛo kɛ gbɛnaa gbɛnaa.”—1 Kor. 14:40.