Adafitswai

◼ Wolo ni akɛbaaha yɛ July: Nyɛkɛ woji bibii ni hiɛ baafai 32 lɛ ateŋ eko fɛɛ eko ni sa jogbaŋŋ kɛha nyɛshikpɔŋkuku lɛ ahaa. Kɛ́ nyɛmiifee sɛɛkuu-kɛsaramɔ lɛ, nyɛkɛ Biblia lɛ Tsɔɔ wolo lɛ ahaa, aloo kɛ́ woji bibii ni ji Bo Nyɔŋmɔ Toi kɛ Bo Nyɔŋmɔ Toi Koni Ohi Shi Kɛya Naanɔ lɛ baahi aha mɔ lɛ, nyɛkɛ ekome ahaa lɛ, ni nyɛbɔ mɔdɛŋ nyɛkɛ mɔ lɛ aje Biblia mli nikasemɔ shishi. August: Nyɛkɛ woji bibii ni hiɛ baafai 32 lɛ ateŋ eko fɛɛ eko ni sa jogbaŋŋ kɛha nyɛshikpɔŋkuku lɛ ahaa. September kɛ October: Buu-Mɔɔ kɛ Awake! woji tɛtrɛbii lɛ. Kɛ́ nyɛmiifee sɛɛkuu-kɛsaramɔ lɛ, nyɛkɛ Biblia lɛ Tsɔɔ wolo lɛ ahaa, aloo kɛ́ ebaahi lɛ, nyɛkɛ woji bibii ni ji Bo Nyɔŋmɔ Toi kɛ Bo Nyɔŋmɔ Toi Koni Ohi Shi Kɛya Naanɔ lɛ ekome ahaa, ni nyɛbɔ mɔdɛŋ nyɛkɛ mɔ lɛ aje Biblia mli nikasemɔ shishi.

◼ Sing to Jehovah—Vocal Renditions, Kpo 5 lɛ baawo jw.org Wɛb saiti lɛ nɔ kɛjɛ August 1 nɔ kɛyaa koni anyɛ ajie. Akɛ Blɔfo nɔ lɛ baawo nɔ klɛŋklɛŋ, ni no sɛɛ lɛ akɛ wiemɔi krokomɛi lɛ hu baawo nɔ. Abaanyɛ ashɛ nɔ ni akɛbaawo CD nɔ lɛ kɛtsɔ asafo lɛ nɔ. Akɛni shika ni asafo lɛ fiteɔ kɛ́ ajie nibii nɛɛ kɛjɛ Intanɛt lɛ nɔ lɛ faaa kɛ́ akɛto CD ni afeɔ ni akɛmajeɔ lɛ he hewɔ lɛ, aawo shiɛlɔi ni baanyɛ lɛ hewalɛ ni amɛjie lalai ni atswaa aboɔ toi lɛ eko yɛ Intanɛt lɛ nɔ. Kpo 1 kɛyashi 4 lɛ yɛ Wɛb saiti lɛ nɔ momo.

◼ Eŋɔɔ wɔnaa akɛ wɔɔha nyɛle akɛ, Nɔyeli Kuu lɛ ekpɛlɛ nɔ akɛ yɛ be ni kã wɔhiɛ lɛ mli lɛ, abaafee Biblia Skul srɔtoi lɛ yɛ Twi wiemɔ kɛ Blɔfo wiemɔ hu mli. Enɛ tsɔɔ akɛ, nyɛmimɛi hii kɛ gbalashihilɛ mli hefatalɔi ni baasumɔ akɛ amɛya Biblia Skul Kɛha Nyɛmimɛi Hii Oshijafoi kɛ Biblia Skul Kɛha Kristofoi Gbalashihilɛ mli Hefatalɔi lɛ eko lɛ baanyɛ atsɔɔ kɛji amɛmiisumɔ ni amɛya Twi loo Blɔfo.