Teokrase Sɔɔmɔ Skul lɛ Mlitĩi

Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi December 26, 2011.

1. Mɛɛ gbɛ nɔ ŋaawoo ni yɔɔ Abɛi 30:32 lɛ baanyɛ aye abua wɔ koni wɔkawo mɔ ko ni wɔtɔ̃ enɔ lɛ mlila? [w87-E 5/15 bf. 30 kk. 11]

2. Mɛɛ “mliflimɔ” haaa mɔ tsui anyɔ emli? (Jaj. 2:1) [g-E 4/06 bf. 6 kk. 1-2]

3. Eyɛ mli akɛ mɛi komɛi susuɔ akɛ Salomo wiemɔi ni yɔɔ Jajelɔ 3:1-9 lɛ fiɔ hemɔkɛyeli ni ayɔɔ yɛ shɛɛ mli sane he lɛ sɛɛ moŋ, shi mɛɛ gbɛ nɔ nɔ ni Salomo ŋma yɛ Jajelɔ 9:11, NW lɛ haa anaa akɛ jeee nakai etsɔɔ, ni akɛ nibii fɛɛ ni baa shihilɛ mli lɛ jeee shɛɛ mli sane? [w09-E 3/1 bf. 4 kk. 4]

4. Mɛni hewɔ ehiii akɛ mɔ ko aaabu ehe “jalɔ tuutu” lɛ? (Jaj. 7:16) [w10 10/15 bf. 9 kk. 8-9]

5. Mɛɛ gbɛ nɔ Salomo Lalai 2:7 lɛ tsɔɔ akɛ nilee yɛ mli akɛ esaaa akɛ mɛi ni miitao abote gbalashihilɛ mli lɛ kɛ oyaiyeli halaa hefatalɔ ko lɛ? [w06 11/15 bf. 19 kk. 1; w80-E 4/15 bf. 19 kk. 7]

6. Mɛni Shulamit oblayoo lɛ ‘naabu ni tsereɔ wò agbaku shwieɔ shi’ kɛ ‘wò kɛ fufɔ ni yɔɔ elilɛi shishi’ lɛ tsɔɔ? (Sal. Lal. 4:11) [w06 11/15 bf. 19 kk. 6]

7. Mɛɛ gbɛ nɔ sablai ni ji ‘Naakpɛɛ Ŋaawolɔ,’ “Nyɔŋmɔ hewalɔ,” kɛ “Naanɔ tsɛ” lɛ haa wɔnuɔ sui ni Yesu yɔɔ kɛ bɔ ni ebaaye nɔ yɛ jeŋ hee lɛ mli lɛ shishi jogbaŋŋ? (Yes. 9:5) [w91-E 4/15 bf. 5 kk. 7]

8. Ŋmɛnɛ lɛ, namɔ akɛtoɔ Israel “jeŋmaŋ fɔŋ” lɛ he, ni namɔ ji Yehowa ‘dɛhiɛmɔ tso’ ni akɛbaakpata ehiɛ lɛ? (Yes. 10:5, 6) [ip-1 bf. 145 kk. 4-5; bf. 152 kk. 20]

9. Mɛni hewɔ gba ni Yesaia gba yɛ Babilon he akɛ “mɔ ko ehiŋ jɛi gbi ko gbi ko” lɛ sa kadimɔ waa lɛ, ni mɛɛ hekɛnɔfɔ̃ɔ gbalɛ nɛɛ mlibaa haa wɔnáa ŋmɛnɛ? (Yes. 13:19, 20) [bh yitso 2 bf. 24-25 kk. 16-17]

10. Mɛɛ be Yesu nine shɛ “David we lɛ samfee lɛ” nɔ, ni mɛɛ gbɛ nɔ etee nɔ ekɛ nakai samfee lɛ etsu nii? (Yes. 22:22) [w09 1/15 bf. 31 kk. 2]