Adafitswai

◼ Wolo ni akɛbaaha yɛ October: Buu-Mɔɔ kɛ Awake! woji tɛtrɛbii lɛ. Kɛ́ mɔ ko jie miishɛɛ kpo lɛ, nyɛkɛ Ani Obaasumɔ ní Ole Anɔkwale Lɛ? dɛhiɛmɔ wolo lɛ ahaa lɛ ni nyɛbɔ mɔdɛŋ ni nyɛkɛ lɛ aje Biblia mli nikasemɔ shishi. November: The Bible—What Is Its Message? Kɛ́ nyɛbɛ eko lɛ, nyɛkɛ woji bibii ni hiɛ baafai 32 lɛ ateŋ eko fɛɛ eko ni sa ni nyɛyɔɔ yɛ nyɛsafo lɛ mli lɛ ahaa. December: Gbɔmɔ ni Fe Mɔ Fɛɛ Mɔ ni Ehi Shi Pɛŋ. Kɛ́ gbekɛbii yɛ shĩa lɛ mli lɛ, nyɛkɛ Kasemɔ Nii Kɛjɛ Tsɔɔlɔ Kpele lɛ Ŋɔɔ loo Mi-Wolo ni Gbaa Biblia Mli Saji lɛ ahaa. January: Mɛni Biblia lɛ Tsɔɔ Diɛŋtsɛ? Nyɛbɔa mɔdɛŋ nyɛjea Biblia mli nikasemɔi ashishi kɛ́ nyɛtee mɛi aŋɔɔ klɛŋklɛŋ kwraa. Kɛ́ shiatsɛmɛi lɛ kɛɛ amɛyɛ wolo lɛ eko momo, ni amɛkpɛlɛɛɛ ní akɛ amɛ akase Biblia lɛ, no lɛ nyɛkɛ wolo tɛtrɛɛ momo ko loo woji bibii lɛ eko fɛɛ eko ni mɔ lɛ baanya he lɛ ahaa.

◼ Eŋɔɔ wɔnaa akɛ wɔɔha nyɛle akɛ abaabɔi Buu-Mɔɔ ni ji maŋbii anɔ̃ lɛ feemɔ yɛ Twi mli daa nyɔɔŋ, ni akɛ January 1, 2012 nɔ̃ lɛ baaje shishi. Kɛfata he lɛ, abaabɔi Awake! ni baa daa nyɔji etɛ lɛ feemɔ ekoŋŋ yɛ Twi mli, ni akɛ January-March 2012 nɔ̃ lɛ baaje shishi. Wɔmiiwo mɛi fɛɛ hewalɛ ni amɛkɛ woji nɛɛ atsu nii jogbaŋŋ kɛfee aŋkro nikasemɔ, ni amɛkɛya shiɛmɔ hu.

◼ Afee Buu-Mɔɔ yɛ Blɔfo ni yɔɔ mlɛo mli kɛjɛ July 15, 2011 nɔ̃ lɛ nɔ kɛbaa. Mɛi ni bɛ Blɔfo asafo mli lɛ baanyɛ ashɛ eko kɛha amɛ diɛŋtsɛ amɛhe.