Teokrase Sɔɔmɔ Skul lɛ Mlitĩi

Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi kɛjɛ October 25, 2010 lɛ mli. Skul nɔkwɛlɔ lɛ kɛ minitii 20 baafee saji amlitĩi lɛ, ni ebaadamɔ nifeemɔi ni afee kɛjɛ September 6 kɛyashi October 25, 2010 otsi lɛ nɔ.

1. Kɛ́ wɔpɛi Maŋtsɛ Azaria (Uzia) shihilɛ mli lɛ, mɛni wɔbaanyɛ wɔkase? (2 Maŋ. 15:1-6) [w91-E 7/15 bf. 29-30]

2. Awie Yuda Maŋtsɛ Yotam he akɛ eye nɔ afii 16 pɛ, mɛni hewɔ ni 2 Maŋtsɛmɛi 15:30 lɛ tsĩ enɔyeli lɛ “afi ni ji nyɔŋmai enyɔ” tã lɛ? (2 Kron. 27:7, 8) [it-2-E bf. 119 kk. 5]

3. Namɛi ji “Samariabii lɛ” ní atsĩ amɛtã yɛ 2 Maŋtsɛmɛi 17:29 lɛ? [it-2-E bf. 847 kk. 7]

4. Mɛni hewɔ awie Yehowa he akɛ ‘etoɔ’ eyiŋtoo he gbɛjianɔ lɛ? (2 Maŋ. 19:25) [w99 8/15 bf. 14 kk. 3]

5. Mɛɛ gbɛ nɔ 2 Maŋtsɛmɛi 25:8, 25, 26 lɛ tsɔɔ be ni agba akɛ Yerusalem kɛbaakã shi amaŋfɔ afii nyɔŋmai kpawo lɛ shishijee lɛ mlibaa yɛ gbɛ ni ja nɔ? [it-1-E bf. 415 kk. 6–bf. 416 kk. 1-2; bf. 463 kk. 4]

6. Mɛni hewɔ 1 Samuel 16:10, 11 ŋma yɛ David he akɛ Ishai bihii lɛ ateŋ mɔ ni ji kpaanyɔ, yɛ be mli ni Ezra ŋma akɛ lɛ ji mɔ ni ji kpawo lɛ? (1 Kron. 2:15) [w02 9/15 bf. 31]

7. Te wɔɔfee tɛŋŋ wɔkase blema Gileadbii lɛ anɔkwɛmɔnɔ lɛ? (1 Kron. 5:10, 18-22) [w05 10/1 bf. 9 kk. 7]

8. Mɛni wɔbaanyɛ wɔkase kɛjɛ Levibii agbonaakwɛlɔi lɛ aŋɔɔ? (1 Kron. 9:26, 27) [w05 10/1 bf. 9 kk. 8]

9. Te lalai alámɔ he hiaa ha tɛŋŋ yɛ blema Israel? (1 Kron. 9:33) [it-2-E bf. 452 kk. 9]

10. Mɛɛ tɔmɔ yɔɔ David nifeemɔ ni awie he yɛ 1 Kronika 13:11 lɛ? [w05 10/1 bf. 11]