Shiɛmɔ Nitsumɔ lɛ He Saji

Wɔkɛ daa gbɛgbalɔi ayibɔ ni fá fe fɛɛ ni ji—6,023 je sɔɔmɔ afi hee lɛ shishi yɛ September! Kɛfata he lɛ, eyɛ miishɛɛ waa akɛ ŋmɛlɛtswai abɔ ni akɛtsuɔ nii, woji tɛtrɛbii lɛ abɔ ni akɛhaa, kɛ Biblia mli nikasemɔi abɔ ni afeɔ lɛ miiya hiɛ be fɛɛ be. Ákɛ nɔkwɛmɔnɔ lɛ, aja woji tɛtrɛbii 675,143 yɛ nakai nyɔɔŋ lɛ mli. Kɛ́ akɛto yibɔ ni aja yɛ sɔɔmɔ afi ni tsɔ hiɛ, yɛ nakai nyɔɔŋ lɛ nɔŋŋ mli lɛ he lɛ, sɔɔmɔ afi nɛɛ nɔ lɛ tee hiɛ 82,000.

Bɔni afee ni hiɛyaa nɛɛ akãhe aya nɔ lɛ, aawo asafoŋ onukpai lɛ hewalɛ koni amɛkwɛ akɛ asafo lɛ yɛ woji tɛtrɛbii lɛ kɛ woji krokomɛi ni fá bɔ ni sa be fɛɛ be. Wɔmiiha mɔ fɛɛ mɔ aekoo yɛ ekãa kɛ mɔdɛŋbɔɔ ni ekɛtsuɔ shiɛmɔ nitsumɔ lɛ hewɔ. Eji anɔkwale akɛ “nikpamɔ lɛ fá.”—Mat. 9:37.