Adafitswai

◼ Wolo ni akɛbaaha yɛ May: Nyɛkɛ Watchtower kɛ Awake! woji tɛtrɛbii lɛ ahaa. Kɛ́ nyɛmiiku nyɛsɛɛ nyɛyasara mɛi ni yɔɔ wiemɔ lɛ he miishɛɛ lɛ, nyɛsaraa mɛi ni ba Kaimɔ lɛ loo mɛi ni ba teokrase nifeemɔi krokomɛi ashishi shi amɛkɛ asafo lɛ ebɔɔɔ daa lɛ hu, ni nyɛbɔ mɔdɛŋ akɛ nyɛbaaha amɛ Mɛni Biblia lɛ Tsɔɔ Diɛŋtsɛ? wolo lɛ eko. Esa akɛ oti ni ma nyɛhiɛ lɛ afee akɛ nyɛkɛ amɛ baaje Biblia mli nikasemɔ shishi. June: Nyɛkɛ Mɛni Biblia lɛ Tsɔɔ Diɛŋtsɛ? wolo lɛ ahaa. July kɛ August: Nyɛkɛ woji bibii ni hiɛ baafa 32 ni nyɛyɔɔ lɛ ateŋ eko fɛɛ eko ni sa ahaa.

◼ Be fɛɛ be ni obaato gbɛjianɔ kɛha gbɛfãa, ni asafoŋ kpeei, kpokpaa nɔ kpee, loo kpokpaa wulu nɔ kpee ni obaaya yɛ maŋsɛɛ lɛ fata ogbɛfaa he gbɛjianɔtoi lɛ he lɛ, esa akɛ okɛ wolo ni oŋmaa kɛbiɔ saji ni kɔɔ gbii, bei, kɛ hei ni abaafee kpeei yɛ lɛ he lɛ amaje nitsumɔhe nine ni kwɛɔ nitsumɔ lɛ nɔ yɛ nakai maŋ lɛ nɔ lɛ. Ato nitsumɔhe niji lɛ adrɛs lɛ anaa yɛ Yearbook ni je kpo nyɛsɛɛ nɛɛ naagbee baafa lɛ.