Teokrase Sɔɔmɔ Skul lɛ Mlitii

Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi kɛjɛ February 23, 2009 lɛ mli kɛtsɔ sanebimɔi kɛ hetooi anɔ. Skul nɔkwɛlɔ lɛ kɛ minitii 20 baafee saji amlitĩi lɛ, ni ebaadamɔ nifeemɔi ni afee kɛjɛ January 5 otsi lɛ kɛyashi February 23, 2009 otsi lɛ nɔ.

1. Te fee tɛŋŋ ni Nyɔŋmɔ ha la ba yɛ klɛŋklɛŋ gbi lɛ nɔ kɛji akɛ afeee kanei lɛ aahu kɛyashi gbi ni ji ejwɛ lɛ nɔ? (1 Mose 1:3, 16) [w04-GA 1/1 bf. 28 kk. 5]

2. Mɛni hewɔ ni Noa lomɔ Kanaan lɛ? (1 Mose 9:20-25) [w04-GA 1/1 bf. 31 kk. 2]

3. Mɛɛ be mli Abraham Kpaŋmɔ lɛ bɔi nitsumɔ, ni mɛɛ be eba naagbee? (1 Mose 12:1-4) [w04-GA 1/15 bf. 26 kk. 4; w01-GA 8/15 bf. 17 kk. 13]

4. Mɛni tsɔɔ akɛ Nimrod kɛ mɛi ni nyiɛ esɛɛ lɛ nyɛɛɛ ‘amɛhé gbɛi amɛha amɛhe’? (1 Mose 11:4) [w98-GA 3/15 bf. 25]

5. Akɛni atsɛ Lot yɛ 2 Petro 2:7 akɛ “jalɔ” lɛ, mɛni hewɔ kulɛ ekɛ ebiyei lɛ yaaha hii ni amɛjeŋba ekpɔtɔ lɛ? (1 Mose 19:8) [w05-GA 2/1 bf. 26 kk. 15-16; w04-GA 1/15 bf. 27 kk. 3]

6. Mɛni gbalashihilɛ mli hefatalɔi baanyɛ akase kɛjɛ bɔ ni Abraham tsu naagba ni ba Sara kɛ Hagar teŋ ni kɔɔ Ishmael he lɛ he nii lɛ mli? (1 Mose 21:10-14; 1 Tes. 2:13) [w06-GA 4/15 bf. 6 kk. 5-8]

7. Mɛni wɔbaanyɛ wɔkase kɛjɛ mɔdɛŋ ni Eliezer bɔ akɛ ebaafee nibii yɛ Yehowa gbɛ nɔ kɛtao ŋa eha Isak lɛ mli? (1 Mose 24:14, 15, 17-19, 26, 27) [w97-GA 1/1 bf. 31 kk. 2]

8. Mɛni ji Yakob lamɔ ni ena ŋwɛi bɔfoi ni ‘miikwɔ miikpeleke atswere ko’ yɛ mli lɛ shishi? (1 Mose 28:10-13) [w03-GA 10/15 bf. 29 kk. 1; it-2 bf. 189]

9. Mɛni hewɔ ni Rahel sumɔ waa akɛ enine ashɛ Lea bi nuu lɛ suɔmɔ tso yibii lɛ nɔ lɛ? (1 Mose 30:14, 15) [w04-GA 1/15 bf. 28 kk. 7]

10. Mɛɛ gbɛ nɔ Dina nɔkwɛmɔnɔ lɛ feɔ hiɛdɔɔ ni yɔɔ nibii ni baanyɛ amɛkɛ oshara aba lɛ ahe ni aaabɛŋkɛ lɛ he mfoniri? (1 Mose 34:1, 2, 19) [w04-GA 10/15 bf. 21 kk. 6; bf. 22 kk. 5]